କୁମାର ପୁନେଇଁ

ରେ ପୁନେଇଁ ଜହ୍ନ ପକାଉଛି ରାଣ

ମୋ ପ୍ରିୟା "ଜାହ୍ନବୀ" ରହିଛି ଚାହିଁ

ଦରଶନେ ତା'ର ପୁରିବ ତା' ବାର

ଅଧୀର ହେଲାଣି ମନ ତୋ ପାଇଁ ।।(୧)

ଫି.. ବରଷକୁ ଏଇ ଦିନଟିକୁ

ଅନୁରାଗୀ ମୋର କରେ ଅପେକ୍ଷା

ତା'ର ତନୁ-ମନ ଫେଡ଼ିଣ ନୟନ

ଅପଲକେ ତୋତେ କରେ ପ୍ରତୀକ୍ଷା ।।(୨)

କୁମାରୀ ମନର ଆଶା ଅସୁମାର

କେତେ ସ୍ଵପ୍ନ ସବୁ ମାରଇ ଉଙ୍କି

ସେ ସପନେ ମଗ୍ନ ଅପେକ୍ଷା ଏ ଲଗ୍ନ

କୁମାର ପୂର୍ଣ୍ଣିମା ବ୍ରତ ପାଇଁକି ।।(୩)

ମକର, ବଉଳ ହେନା ,ଯୁଇ, ମାଳ

ରୂପସୀ ,ମାନସୀ ,ଭାଗ୍ୟଶ୍ରୀ, ନିଶି

ମୋ ପ୍ରିୟା ଜାହ୍ନବୀ ସଙ୍ଗତେ ଭାର୍ଗବୀ

କୁମାର ପୁନେଇଁ ପାଳିବେ ମିଶି।।(୪)