Library
Profile
ସ୍ନାନ ପୂର୍ଣ୍ଣିମା
ସ୍ନାନ ପୂର୍ଣ୍ଣିମା
ଆଜି ତ ସ୍ନାନ ପୂର୍ଣ୍ଣିମା
ସ୍ନାନ ମଣ୍ଡପରେ କଳା ମଣିମା
ବଉଳ ଲୋ
କି ଦେବା ତାଙ୍କୁ ଉପମା
ବଉଳ ଲୋ ।
ହେଲା ଜ୍ୟେଷ୍ଠମାସ ଶେଷ
ଗ୍ରୀଷମର ତାପ ଲାଗେ ବିଶେଷ
ବଉଳ ଲୋ
ପ୍ରଭୁ ସ୍ନାନ ମଣ୍ଡପେ ପ୍ରବେଶ
ବଉଳ ଲୋ ।
ପହଣ୍ଡିରେ ବିଜେ କରି
ଭାଇ ଭଉଣୀଙ୍କୁ ସଙ୍ଗତେ ଧରି
ବଉଳ ଲୋ
ପ୍ରଭୁ ଆସିଛନ୍ତି ସ୍ନାନ କରି
ବଉଳ ଲୋ ।
ଚକ୍ରରାଜ ସୁଦର୍ଶନ
ସଙ୍ଗେ ଆସିଛନ୍ତି କରିବେ ସ୍ନାନ
ବଉଳ ଲୋ
ଆଜି ଦେବେ ଦୁର୍ଲ୍ଲଭ ଦର୍ଶନ
ବଉଳ ଲୋ ।
ଗତକାାଲି ଠାରୁ ପାଣି
ସୁନାକୂଅରୁ ତା ସେବକେ ଆଣି
ବଉଳ ଲୋ
ଅଧିବାସିତ କରିଲେ ପୁଣି
ବଉଳ ଲୋ ।
ବଳଭଦ୍ରଙ୍କୁ ତେତିଶି
କଳା ମଣିମାଙ୍କୁ ପଇଁତିରିଶି
ବଉଳ ଲୋ
ମା ସୁଭଦ୍ରାଙ୍କୁ ବାଇଶି
ବଉଳ ଲୋ ।
ସୁଦର୍ଶନଙ୍କୁ ଅଠର
ଗଡୁ ଜଳେ ସ୍ନାନ କେଡେ ସୁନ୍ଦର
ବଉଳ ଲୋ
ହାତୀ ବେଶ ହେଲେ ପ୍ରଭୁ ମୋର
ବଉଳ ଲୋ ।
ବଳଭଦ୍ର ଧଳାହାତୀ
କଳା ମଣିମା ମୋ କାଳିଆ ହାତୀ
ବଉଳ ଲୋ
କୁମାରୀ ବେଶ ସୁଭଦ୍ରା ସତୀ
ବଉଳ ଲୋ ।
ଗୋପାଳ ଦାସ ମଠରୁ
ରାଘବ ଦାସଙ୍କ ମଠ ଭିତରୁ
ବଉଳ ଲୋ
ବେଶ ଦ୍ରବ୍ଯ ଆସୁଛି ଆଗରୁ
ବଉଳ ଲୋ ।
ଭକ୍ତ ଗଣପତି ଭଟ୍ଟ
ଗଣେଶ ଦର୍ଶନେ ହେଲେ ଉଚ୍ଚାଟ
ବଉଳ ଲୋ
ତାଙ୍କ ପାଇଁ ହେଲା ଏତେ ନାଟ
ବଉଳ ଲୋ ।
ଗଜପତି ମହାରାଜା
ଛେରାପହଁରିଲେ ଲାଗିଲା ମଜା
ବଉଳ ଲୋ
କରିଲେ ଆଳତି ପୂଜା
ବଉଳ ଲୋ ।
ଦରଶନେ ହାତୀବେଶ
ପାତକରାଶି ହରଇ ଅଶେଷ
ବଉଳ ଲୋ
ପୂରଇ ଭକ୍ତ ମାନସ
ବଉଳ ଲୋ ।
