ଅତୀତ-ଭବିଷ୍ୟତ-ବର୍ତ୍ତମାନ
ଅତୀତ-ଭବିଷ୍ୟତ-ବର୍ତ୍ତମାନ
ଅତୀତକୁ ବେଶି ଝୁରି ହେଉଥିଲେ ଦୁଃଖ-ଲୁହ ଦେଉଥାଏ,
ଅତୀତ ତୃଟିକୁ ସୁଧାରି ପାରିଲେ ସୁଖବେଳ ଆସିଯାଏ ।
ଭବିଷ୍ୟତ କଥା ଚିନ୍ତା କରୁଥିଲେ ଭୟ ଆସୁଥାଏ ମନେ,
ଭବିଷ୍ୟତକୁ ଯେ ଗଢିବାକୁ ଚାହେ ମିଳେ ତାକୁ କେହି ଜଣେ ।
ବର୍ତ୍ତମାନକୁ ଯେ ହେୟଜ୍ଞାନ କରେ ଭବିଷ୍ୟତ ଅନ୍ଧକାର,
ବର୍ତ୍ତମାନକୁ ଯେ କାମରେ ଲଗାଏ ଫିଟେ ତା' ବିକାଶ ଦ୍ୱାର ।
ଅତୀତ ଆମର ପୋତାଧନ ସିନା ଭବିଷ୍ୟ ଶୂନ୍ୟ ଭଣ୍ଡାର,
ବର୍ତ୍ତମାନ ହେଲା ଫସଲ କିଆରୀ ଯତନେ ଅମଳ କର ।
ଅତୀତ ରଖିଛି ଅଭିଜ୍ଞତା ପୁଣି ଭବିଷ୍ୟ ରଖିଛି ସ୍ଵପ୍ନ,
ଅଭିଜ୍ଞତା ଆଉ ସ୍ଵପ୍ଣ ମିଶିଗଲେ ଗଢ଼ିହେବ ବର୍ତ୍ତମାନ ।
ଅତୀତ ଯାଇଛି ଭବିଷ୍ୟ ଆସିବ ବର୍ତ୍ତମାନ ଉପସ୍ଥିତ,
ନିଶ୍ଚୟ ଜିତିବି ନିଶ୍ଚୟ ପାରିବି କୁହ ସ୍ଥିରକରି ଚିତ୍ତ ।