Library
ଦେବଦାସୀର ପ୍ରତୀକ୍ଷା
ଦେବଦାସୀର ପ୍ରତୀକ୍ଷା
1 min
202
ମନକୁ ସଜାଇ କୁଞ୍ଜବନ ମୋର
କରିଛି ତୁମ ପ୍ରତୀକ୍ଷା
ଆସ ଥରେ ତୁମେ ହେ ନଟ ନାଗର
ଦେବା ପାଇଁ ପ୍ରୀତି ଭିକ୍ଷା ।
ହେଲାଣି ଉଛର ଅହେ ଚକ୍ରଧର
ଲୁହରେ ଭିଜେ ପଣତ
ପାଇବାକୁ ତୁମ ଦରଶନ ଖାଲି
ନେତ୍ର ମୋ ଚାହେଁ କିଞ୍ଚିତ ।
ସମାଜ ତାଡନା ସହି ପ୍ରତାରଣା
ପାଦରେ ବାନ୍ଧି ଘୁଙ୍ଗୁର
ଦେବଦାସୀ ସାଜି ନୃତ୍ୟରତ ମୁହିଁ
ମୋତେ ଟିକେ ଦୟାକର ।
ବିବେକ ଦଂଶନ କରେ ପ୍ରତିକ୍ଷଣ
ମଉଳି ଯାଉଛି ଆଶା
ଆସ ଥରେ ପ୍ରଭୁ ଉଦ୍ଧାରିବ ମୋତେ
କରିଛି ମୁହିଁ ଭରସା ।
