ଅର୍ଥର କ୍ଷୁଧା

ସତ୍ୟର ଦହନ ହିଂସାର ଅଗ୍ନିରେ

ଅର୍ଥ କିଣି ନିଏ ନ୍ୟାୟ

ବିଚିତ୍ର ସଂସାର ସମୟ ସୁଅରେ

ମିଥ୍ୟାବାଦି ପାଏ ଶ୍ରେୟ ।

ଯେତେ ଚାଟୁକାର ବଚନ ମଧୁର

ଛଳନାରେ ପୂର୍ଣ୍ଣ ଅନ୍ତ

ଅର୍ଥର କ୍ଷୁଧାକୁ ଶାନ୍ତ କରିବାକୁ

ରଚେ ନିତ୍ୟ ଷଡ଼ଯନ୍ତ୍ର ।

ନ୍ୟାୟ ଦଣ୍ଡଧାରୀ କରେ ନ୍ୟାୟ ବିକ୍ରି

ଆରକ୍ଷୀ ଚୋରର ମିତ୍ର

ମନ୍ତ୍ରୀ ଯନ୍ତ୍ରୀ ସବୁ ଏକତ୍ରିତ ହୋଇ

ଖୋଜନ୍ତି ଲୁଟିବା ସୂତ୍ର ।

ରୋଗୀ ସେବା ଛାଡ଼ି ଦ୍ଵିତୀୟ ଈଶ୍ୱର

ଅନ୍ୟାୟେ ଆରଜେ ବିତ୍ତ

ଅପମିଶ୍ରଣରେ ବଣିକ ଅଭ୍ୟସ୍ତ

ଶାନ୍ତ କରିବାକୁ ଚିତ୍ତ ।