ପ୍ରେମେ ହେଲେ ସୌଦାଗର

ଛଳନା ନାଟକ ଘୃଣାର ଫାଟକ 

ପାରିବୁ ଯଦି ତୁ ଡେଇଁ 

ପ୍ରେମର ପଥରେ ସଫଳ ହୋଇବୁ 

ସନ୍ଦେହ ତିଳେବି ନାହିଁ । 

ଥିଲେ ବଡ଼ ଘର ବାହାନ ଅବୋର 

ସୁନା ହୀରା ଲୀଳା ମୋତି 

ଅନେକ ଚାହିଁବେ ହେବାକୁ ପ୍ରେମିକା 

ଢାଳିବାକୁ ପ୍ରୀତି ନିତି । 

ସରକାରଙ୍କର ଅଧିନେ ଚାକିରି 

ଥିବ ଯଦି ବଡ଼ ଘର 

ରୂପ ରଙ୍ଗ ଆୟୁ ଖୋଜିବେନି କେହି 

ରହିବାକୁ ସାଥେ ତୋର । 

ଯେତେ ହେଲେ ଗୁଣି ସୁନ୍ଦର ଚରିତ୍ର 

ନଥିଲେ ପାଖରେ ଟଙ୍କା 

କେହିବି ତରୁଣୀ ଦେବେ ନାହିଁ ଧ୍ୟାନ 

ମୁଁହ ତାଙ୍କ ହେବ ବଙ୍କା । 

ଅଜବ ଦୁନିଆଁ ଗଜବ ବିଚାର 

ଦେଖି ନର ବ୍ୟବହାର 

ନିହାତି ବିରଳ ଘୋର କଳିକାଳେ 

ହେଲେ ପ୍ରେମେ ସୌଦାଗର ।