ଏ କି ଘୃଣ୍ୟ ପ୍ରଥା

ଏ କି ଘୃଣ୍ୟ ପ୍ରଥା ଦେଖି ଘୁରେ ମଥା 

ଗୃହରେ ଶୁଭେ ଚିତ୍କାର

ଜନ୍ମ ଦିନ ନାମେ ଜୀବ ହତ୍ୟା ହୁଏ 

ଖାଇବାକୁ ମାଂସ ତାର । 

କେମିତିକା ଏହି ସଂସ୍କାର ସଂସ୍କୃତି 

ଅର୍ଦ୍ଧ ନଗ୍ନ ହୋଇ ରାତ୍ରେ

ଅଶ୍ଳୀଳ ସଙ୍ଗୀତେ ନୃତ୍ୟ ରତ ସର୍ବେ 

ମଦ୍ୟ ପାନେ ରାତ୍ରି ବିତେ । 

କଳୁଷିତ ଭରା ଅମା ଅନ୍ଧକାରେ 

ଲିଭାଇ ଜଳନ୍ତା ଦୀପ 

ଛେପ ଆବରଣ ପିଠା ଖଣ୍ଡେ କାଟି 

ଦେଖାନ୍ତି ନାନା ବହପ । 

ନାହିଁ ଜାଗ ଯଜ୍ଞ ପ୍ରସାଦ ସେବନ 

ଦାନ ଧର୍ମ କଥା କାହିଁ 

ନବ ସୂର୍ଯ୍ୟଦୟେ ଠାକୁର ଦର୍ଶନ 

କରୁତ ନାହାନ୍ତି କେହି । 

ଆମେ ସନାତନ ସଂସ୍କୃତି ମହାନ 

ପୁଣ୍ୟ ତୀର୍ଥେ ଜନ୍ମ ନେଇ 

କେତେ ହତାଦର କରୁଛେ ଧର୍ମକୁ 

ପାଶ୍ଚାତ୍ୟ ସଂସ୍କୃତି ପାଇଁ ।