ରତ୍ନାକର ଚଂପୂ (ବ)

ରତ୍ନାକର ଚଂପୂ

ଚୌପଦୀ ରତ୍ନାକର

ବ

ରାଗ ରେଗୁପ୍ତ

ବନ୍ଧୁ ମୋ କାହୁଁ କିସ ଶୁଣିଲା ରେ, ବିଷ ତୁଟିଲା ରେ,

ବଚନ ନ କହିଲା ବିନୟ ନ ସହିଲା,

କି ହେଲା ମହିଳା ବର ରୁଷି ରହିଲା ରେ (ପଦ)

ବସନ୍ତକାଳ, ବିଛେଦରେ ଏକାଳ ବହଇ ମଳୟା ନଳ,

ବିପକ୍ଷ ସଙ୍ଗରେ ତ ଗଣିଲା ରେ (1)

ବାଳାବର ସେ, ବେଳେ ମୋରେ ନ ରୁଷେ,

ବିବେକ ନ କରି ଲେଶେ, ବିଳସିବାର ହରଷେ,

ବରଜି ଏ ଦୁର୍ଯୋଗ କଣିଲା ରେ (2)

ବିଡିଆ ବିଡି, ବଢାଇଲି ସଜାଡି

ବାତ୍ସଲ୍ୟପୀୟୁଷ ଇଡି, ବସିଲା ଶ୍ରୀମୁଖ ମୋଡି,

ବକ୍ରନୀଳ କଞ୍ଜକୁ ଜିଣିଲା ରେ (3)

ବିକଳ ହୋଇ ବହୁ ଅଶ୍ରୁ ବୁହାଇ ବଦନ

ବିଧି ନୁଆଇଁ , ବରତୁଳସ୍ତନେ ଥୋଇ,

ବରୁଣାଦ୍ରୀଚନ୍ଦ୍ରକୁ ଟାଣିଲା ରେ (4)

ବିଅର୍ଥେ ଦିନ ବଞ୍ଚାଉ ଅଛି ମୋ ଧନ,

ବିଷମ ଏ ଯଉବନ ବିଜୁଳି ଠାରୁ ଜବନ,

ବଳଦେବ କବୀନ ଭଣିଲା ରେ (5)

କବିସୂର୍ଯ୍ୟ ବଳଦେବ ରଥ