ରଥରେ ବସିଛି ଜଗତ ରାଜା
ରଥରେ ବସିଛି ଜଗତ ରାଜା
ଜଗତର ନାଥ ଜଗତ ନାଥ ହେ
କି ଲୀଳା ଲଗାଇ ଦେଉଛ ।
ଯେତେ ଦେଖୁଥିଲେ ତୁମରି ନୟନ
ସେତେ ସେତେ ନୂଆ ଲାଗୁଛ l
ଜଗତର ନାଥ ଜଗତ ନାଥ ହେ
କି ଭାବ ଲଗାଇ ଦେଉଛ ।
ରଥ ଦଉଡିକୁ ଛୁଆଁଇବା ପାଇଁ
କେତେ ଅଭିମାନ କରୁଛ l
ଜଗତର ନାଥ ଜଗତ ନାଥ ହେ
କେଡେ କୃପା ପୁଣି କରୁଛ ।
ଭକତ ଭାବକୁ ବୁଝିପାରି ପୁଣି
ରଥ ଚକ ରଖି ଦେଉଛ l
ଜଗତର ନାଥ ଜଗତ ନାଥ ହେ
କେଡେ ଆଶା ପୁଣି ଦେଉଛ ।
ଫେରିଲା ବେଳକୁ ପଛରୁ ଟାଣିକି
ମହାପ୍ରସାଦ ବି ଦେଉଛ l
ଜଗତର ନାଥ ଜଗତ ନାଥ ହେ
କେଡେ ଲୀଳା ସତେ କରୁଛ।
ନାହିଁ ନାହିଁ କହି ଜୀବନକୁ ସଦା
ତୁମ ପାଶେ ଛନ୍ଦି ଦେଉଛ l