ରଙ୍ଗର ପର୍ବ ହୋଲି
ରଙ୍ଗର ପର୍ବ ହୋଲି
ବରଷକେ ଥରେ ଆସିଛି ହୋଲି
ଖୁସିର ଆସରା ମେଲି
ହିଂସା, କ୍ରୋଧ, ରୋଷ ସବୁକୁ ପାସୋରୀ
ପ୍ରେମ ରଙ୍ଗକୁ ବିଞ୍ଚିବା ଖାଲି ।
ନାଚିବା, ଗାଇବା ଖୁସିରେ ଝୁମିବା
ସଭିଙ୍କୁ ଅବିର ବୋଳି
ଜାତି, ଧର୍ମ, ଉଚ୍ଚ, ନୀଚକୁ ଦୂରେଇ
ସର୍ବେ ହେବା କୋଳାକୋଳି ।
ଭାଈ ଭଉଣୀ ହେ ଦିଅ କରତାଳି
ଝିଅ ବୋହୂ ମିଶି ଦେବେ ହୁଳହୁଳି
ମେଳଣ ପଡିଆ ଯିବ ତ ଉଚ୍ଛୁଳି
ଧାଡ଼ିକି ଧାଡ଼ି ବିମାନ ସାଙ୍ଗକୁ ଏ ଭକ୍ତଙ୍କ ଗହଳି ।
ବିମାନେ ଝୁଲନ୍ତି ପ୍ରଭୁ ରଙ୍ଗ ହୋଇ ବୋଳି
ଆକାଶ ରଙ୍ଗୀନ ସାଙ୍ଗକୁ, ରଙ୍ଗୀନ ହୁଏ ଗାଁ ଦାଣ୍ଡ ଧୂଳି
ଘଣ୍ଟଘଣ୍ଟା, ଖୋରତାଳ ଶଙ୍ଖ ଧ୍ଵନୀ ସହ କୀର୍ତ୍ତନ ମଣ୍ଡଳୀ
ଆନନ୍ଦରେ ଗୋପଲୀଳା ଗାଇ ,
ଗାଁ ଦାଣ୍ଡେ ଯାଆନ୍ତି ଝୁଲି ଝୁଲି ।
ଆସ ସାଙ୍ଗସାଥୀ ପୂରୁଣା ରାଗଋଷାକୁ ଭୂଲି
ହୃଦୟରୁ ପ୍ରେମର ରଙ୍ଗକୁ ହାତରେ ଢାଳି
ପ୍ରେମ ରଙ୍ଗ ହେବା ବୋଳାବୋଳି
ଭାଈଚାରାକୁ ପ୍ରସାର କରି ଚାଲି ।
ହୋଲିରେ ହୋଲିରେ ହୋଲି
ବରଷକେ ଥରେ ପା ଆସିଚି ହୋଲି .....।