ରଙ୍ଗମୟ ଆଜିରେ ଧରା

ପବିତ୍ର ହୋଲିର ରଙ୍ଗର ବରଷା

ହେଲେ ଏକତ୍ରିତ କରିଣସେଆଶା

ଭୁଲି ଅହଂକାର ରଖିଣ ଭରଷା

ନଥିଲାଟି ମନେ ତିଳେ ହିଁ ନିରାଶା ।

ଜାତି ଭେଦ ନାହିଁ ପର୍ବେ ଏକତ୍ରିତ

ହୋଲି ଖେଳିଲେ ସେ ରଙ୍ଗେ ଆନନ୍ଦିତ

ଜ୍ଞାନ ପ୍ରେମ ଶ୍ରଦ୍ଧା ତହୁଁ ଆବିର୍ଭୂତ

ରାଷ୍ଟ୍ର ଭକ୍ତି ପ୍ରୀତି ହେଲାରେ ଜଡ଼ିତ ।

ସନାତନୀ ପର୍ବ ସଂସ୍କୃତି ଦେଶରେ

ସତ୍ୟ ତ୍ୟାଗ ଶାନ୍ତି ରାଷ୍ଟ୍ରର ସଂସ୍କାର

ଆତ୍ମନିର୍ଭର ଏ ମନ୍ତ୍ରଟି ଯାହାର

ଜନତା ଉନ୍ନତି କର୍ତ୍ତବ୍ୟ ଦେଶର ।

ହୋଲି ପର୍ବ ପରା ସତ୍ୟର ଝଙ୍କାର

ବିଜୟ ର ପର୍ବ ଶତ୍ରୁ ବିନାଶର

ଫଗୁଣ ପୂର୍ଣ୍ଣିମା ଦୋଳ ପୂର୍ଣ୍ଣିମାର

ପାଳିତ ହୁଏଟି ରାଷ୍ଟ୍ରରେ ଆମର ।

ମନ ଉଦବେଗ ଖୁସି ଆନନ୍ଦର

ବସନ୍ତ ଋତୁ ଏ ସୁନ୍ଦର ଅପର

ନୂଆ ଅନୁଭୂତି ସଞ୍ଚାର ଶରୀର

ଦିଏଏ ପ୍ରେରଣା ସତ୍ୟ ଅହିଂସାର ।

ମୃଦଙ୍ଗ ଗୁଞ୍ଜନ କାହାଳୀର ସ୍ବର

ମୃଦୁ ମଳୟ ତା ପୁଣି ମନୋହର

କୋକିଳର ରାବ୍ ଶୁଭେ ସୁମଧୁର

ପିଚକାରୀ ପଡେ ହୋଲିର ରଙ୍ଗର ।

ହୋଲିକ ଦହନ ଅସତ୍ୟ ସଂହାର

ସତ୍ୟର ବିଜୟ ଭବେ ନିରନ୍ତର

ଆତ୍ମବିଶ୍ୱାସଟି ହୁଏ ମନୁଷ୍ୟର

ରଙ୍ଗ ନୁହେଁ ଏହୁ ଜ୍ଞାନର ସାଗର ।

ଖେଳିଥିଲେ ହୋଲି ରାଧାକୃଷ୍ଣ ଯହିଁ

ମେଳି ହୋଇ ଥିଲେ ଗୋପଙ୍ଗନା ତହିଁ

ରଙ୍ଗ ଖେଳୁ ଥିଲେ କାହ୍ନୁ ରୂପ ଚାହିଁ

ଭକ୍ତିର ଗୁଞ୍ଜନ ଗୋପ ଦାଣ୍ଡ ଭୂଇଁ ।।