ରକ୍ତତୀର୍ଥ

ଉଣେଇଶ ଶହ ବୟାଳିଶ ବର୍ଷ

ସେପ୍ଟେମ୍ବର ଅଠେଇଶି,

ଭଦ୍ରକ ଜିଲ୍ଲାର ବାସୁଦେବପୁର

ନିକଟେ ଇରମ ବାସୀ ।

ମଜା ମଜଲିସ ଖୁସି ମନ ଭରି

କାଟୁଥିଲେ ସମୟକୁ,

ସ୍ୱାଧୀନତା ପାଇଁ ଗ୍ରାମ ପଡ଼ିଆରେ

କରୁଥିଲେ ବୈଠକକୁ ।

ସନ୍ଧ୍ୟା ସମୟରେ ଇଂରେଜ ଫଉଜ

ଆକ୍ରମଣ କଲେ ସେଠି,

ସଭା ସ୍ଥଳେ ରକ୍ତ ହୋଲି ଖେଳିଗଲା

ପାରିଲେନି କେହି ଉଠି ।

ଚାରିଆଡୁ ଘେରି ଫିରିଙ୍ଗି ସୈନ୍ୟ

ଖେଳିଲେ ରକ୍ତର ହୋଲି,

ଏକ ଏକ କରି ଅଣତିରିଶଙ୍କ

ହୋଇଗଲା ପ୍ରାଣ ବଳୀ ।

ସ୍ବାଧୀନତା ପାଇଁ ଜୀବନ ହାରିଲେ

ଗଣ ହିଂସାର ପ୍ରକୋପେ,

ପଡ଼ିଆଟି ହେଲା ରକ୍ତ ଜୁଡୁବୁଡୁ

ଇଂରେଜ ହିଂସାର କୋପେ ।

ଭାରତ ଛାଡ଼ ଆନ୍ଦୋଳନରେ

ଇଂରେଜଙ୍କ ଥିଲା ରାଗ,

ନୃଶଂସ ଭାବରେ ରଚିଲେ ଦ୍ଵିତୀୟ

ଜାଲିଆନାୱାଲାବାଗ ।

ବଳିଦାନ ଦେଇ ବୀର ଭାରତୀୟ

ଲେଖିଲେ ନୂଆ ଚରିତ,

ଇରମ ମାଟିରେ ରଚି ଇତିହାସ

ରକ୍ତତୀର୍ଥ ନାମେ ଖ୍ୟାତ ।