ରକ୍ଷାକର ବନମାଳୀ

ନାହିଁ କିଛି ବୋଲି ସବୁ ମୋତେ ଭୁଲି

   ମୁହଁ ମୋଡି ଗଲେ ଚାଲି

 ହଜିଲା ବୟସ ହେଜେ ପୀତବାସ

  ନିଅ ଗୋ ମୋତେ ସମ୍ଭାଳି ॥୦॥

ମାଗୁନି ସମ୍ପଦ ଦେବରାଜ ପଦ  

   ମାଗେ ବଡଦାଣ୍ତ ଧୁଳି

ନାଚୁଥିବି ମୁହିଁ ନିଳଚକ୍ରେ ଚାହିଁ

    ମାରି ମାରି କରତାଳି

ଗାଉଥିବି ତବ ନାମ ହେ ମାଧବ

   ଦେହେ ସେ ଧୁଳିକୁ ବୋଳି ॥୧॥

ଖାଉଥିବି ମୁହିଁ ଆହେ ଭାବଗ୍ରାହୀ 

    ଅଇଁଠା ଅବଢା ଡାଲି       

ସାଉଁଟି ସାଉଁଟି  ପାଉଥିବି ନିତି

   ତୋ ଛଡା ତୁଳସୀ ଖାଲି

ଆସିଛି ମୁଁ ପୁରି ବହୁ ଆଶା କରି

  ରକ୍ଷାକର ବନମାଳୀ ॥୨॥