ରକ୍ଷା ବନ୍ଧନ
ରକ୍ଷା ବନ୍ଧନ
ସତେ କି ଚାତକ ଭଗିନୀ ଭାତୃକ
ଭୁଲିଯିବ ରୁକ୍ଷ ରୁଖ
ସପ୍ରେମ ସରାଗ ସରସ ହେବକି
ରେଶମ ଡୋରୀର ଡାକ ।
ଥାଳିରେ ଚାଉଳ ଧୂପ ଦୀପ ଧରି
ଭଉଣୀ ହୋଇବ ଠିଆ
ବନ୍ଦାପନା ହେବ ଭାଇ ଭଗ୍ନୀ ଠାରେ
ସମ୍ପର୍କରେ ଦେଇ ଦୁଆ ।
କହିବ ଏ ରାକ୍ଷୀ ନୁହେଁ ମାତ୍ର ଡୋରୀ
ରକ୍ଷାର କବଚ କରି
ଦୁଃଖ ପଛେ ନିଜ ଘୋଡାଇ ସେ ଦେଵ
ଭାଇ ତାର ମଥା ଶିରୀ ।
ଅତୁଟ ବନ୍ଧନେ ବାନ୍ଧି ଦିଏ ଭାଇ
ସମ୍ପର୍କର ରକ୍ଷା ପାଇଁ
ସମ୍ପର୍କର ଡୋରି ଅମୂଲ୍ୟ ଆସରୀ
ରଖିଥିଲେ ସିନା ପାଇ ।
ମମତା ବନ୍ଧନ ବାର୍ତ୍ତା କରେ ଗାନ
ବଳରାମ ଜନ୍ମ ଦିନ
ପୂଣ୍ୟ ତିଥି ଏହି ପରିବାର ପାଇଁ
ଭାଇ ଭଗ୍ନୀ ସ୍ମିତାନନ ।
ରାକ୍ଷୀ ପାଇଁ ରକ୍ଷା ଦିଏ ମହା ଶିକ୍ଷା
ଭାଇର ପ୍ରତୀକ୍ଷା ପାଇଁ
ପାଉଥିଲେ ହାତେ ଉପହାର ମତେ
ପ୍ରତିଶ୍ରୁତି ଲୋଡେ ନାହିଁ।