ରିମଝିମ ବର୍ଷା ରାଣୀ

ରିମଝିମ ବର୍ଷା ଭିଜା ମାଟି ବାସ୍ନା 

    ପୁଲକିତ ମନପ୍ରାଣ , 

ବରଷା ପ୍ରେମରେ ଜନମନ ଜାଗେ 

   ରୋପିବାକୁ ସ୍ମୃତିଭୃଣ !! 

 ଅମୃତ ବାରିଧି ବରଷା'ମା' ପ୍ରୀତି 

    ସୁଶୀତଳ  ମଧୁନୀର , 

ପୃଥିବୀ ବକ୍ଷରେ ଢାଳେ ଶରଧାରେ 

    ସମର୍ପଣେ  ନିରନ୍ତର ! ! 

ସାଗର ହେଉକି ଅବା ବେଳାଭୂମି 

    ସବୁଠି ବରଷା ଛିଟା , 

ସ୍ମୃତିର ଝଲକ ବରଷାର କୁହୁକ 

   ବୋଳିଦିଏ  ପ୍ରେମଅଠା ! ! 

ବରଷାରେ ଭିଜି ପ୍ରେମକରେ ପ୍ରେମୀ 

    ନିଆରା ଏ' ଅନୁଭୂତି , 

ଭିଜାଦେହ ବାସ୍ନା ପ୍ରେମ ଭାବପନ୍ନା 

    ଅଲିଭା ସ୍ଵାକ୍ଷର ସ୍ମୃତି ! !

ପ୍ରେମର କହାଣୀ ରଚେ ବର୍ଷା ରାଣୀ 

    ହୃଦୟର  କଥାକହି , 

କୋମଳ ପରଶେ ଦେହ ମନ ଛୁଁଏ 

   ସାତସୁରେ  ଗୀତଗାଇ ! ! 

 ଭିଜାଭିଜା ଦେହ ଭିଜାଭିଜା ସ୍ଵପ୍ନ 

    ନିବିଡ ସମ୍ପର୍କ ଭାଵ , 

ପ୍ରେମର ଏ'ଛବି  ବରଷାର କୃତି 

    ଭୁଲିବାଟା  ଅସମ୍ଭବ ! ! 

ଶ୍ରାବଣୀ ସୁହାନି ବରଷାର ସାଥୀ 

   ପ୍ରେମକରେ ଉଜ୍ଜୀବିତ , 

ଧରିତ୍ରୀ ମା'କୋଳେ ଦିବାନିଶି ହସେ 

   ସରାଗରେ ହୋଇ ପ୍ରୀତ ! ! 

ଇନ୍ଦ୍ରଙ୍କ ଇନ୍ଦ୍ରାଣୀ ବରଷା ଦୁଲଣୀ 

   ସରଗ ରାଇଜ କନ୍ୟା , 

ମର୍ତ୍ତ୍ୟପୁରେ ଆସି ହୁଏ ପରବାସୀ 

  ସୃଷ୍ଟିକରେ  ପ୍ରେମବନ୍ୟା ! ! 

ପ୍ରେମର ପ୍ରେମିକା ରିମଝିମ ବର୍ଷା 

   ହୃଦୟର  ସ୍ମୃତିସାଥୀ , 

ଋତୁରାଣୀ ପ୍ରିୟା ପ୍ରେମରେ'ତୁ ଶ୍ରେଷ୍ଠା 

   କବି ଲେଖନୀର କୃତି ! !