ଟିକେ ଟିକେ ଭଲଲାଗେ
ଟିକେ ଟିକେ ଭଲଲାଗେ
ଏବେବି
କେବେ କେବେ
କାହିଁକି କେଜାଣି ?
ପୁଣିଥରେ
କାହିଁ ଏସବୁ ମୋତେ ଭାରି ଭଲଲାଗେ ?
କଅଁଳିଆ ସବୁଜ ଶାଳଵଣେ
ମହୁଲିଆ ଥଣ୍ଡା ପବନରେ
କୋଇଲି ର କୁହୁ କହୁ ନାଦରେ
କେବଳ,ବାସ୍ ଥରୁଟିଏ
ବିନଦାସ୍ ନାଚିବାକୁ ଟିକେ ମନହୁଏ ।
ଦିଟା ଧଳା ବୋତାମ ଛାତିର
ଟିକିଏ ମୁକୁଳା କରି ହାତରେ
ଭିନ୍ନ ଏକ ଅନାବନା ଭାଵନା ରେ
ବୁଡିଯାଇ ନୂତନ ଉଲ୍ଲାସ ରେ
ପୁରୁଣା ଗପବହି ସବୁ ପଢିବାକୁ
ଏବେବି କାହିଁକି ବହୁତ ଇଛା ହୁଏ ।
ଛୋଟ ଛୋଟ ଆମ୍ବ କଷି
ଗାଁ ଆମ୍ବ ତୋଟା ରୁ
ସାଉଁଟି ସାରିବା ପରେ
ଚକଟି ଲଙ୍କା ଲୁଣ ସାଥେ
ଏବେବି ଛାଇରେ ବସି
ଖାଇବାକୁ ଭାରି ଇଛା ହୁଏ ।
ଚାଟଶାଳୀରେ ଡିବିରି ଆଲୁଅ ରେ
ସାଙ୍ଗସାଥୀ ମେଳେ ସଭିଏଁ ଏକ ସ୍ଵରେ
ପଣିକିଆ ଵୋଲିବାକୁ ଏବେବି କାହିଁ ମନହୁଏ ।
ସବୁଜିମା ଗାଁ ଖେଳ ପଡ଼ିଆରେ
ବୋହୁଚୋରି ଖେଳିବାକୁ
ଏବେବି ଏମିତି କାହିଁ ଇଚ୍ଛା ହୁଏ ।
ଧୋ ରେ ବାଇଆ ଧୋ ଗୀତ ତାଳେ ତାଳେ
ମା ର ପଣତ କାନି ତଳେ ଶାନ୍ତି ଶୋଇବାକୁ
ଏବେବି ଏମିତି କାହିଁ ସତରେ ଇଛା ହୁଏ।