ଧୀରେ ଧୀରେ

ଧୀରେ ଧୀରେ ଆସିଲୁ ତୁ ମଳୟ ହୋଇ,

   ଧୀରେ ଧୀରେ ଗଲୁ ମନ ଅଗଣା ଡେଇଁ.

ଧୀରେ ଧୀରେ ନିଦରେ ମୋ ସପନ ହୋଇ,

   ଧୀରେ ଧୀରେ ଲlଖିଗଲୁ ଆଖିରେ ତୁହି ।

ଧୀରେ ଧୀରେ ନିଶ୍ୱାସରେ ପବନ ହୋଇ,

   ଧୀରେ ଧୀରେ ଜୀବନରେ ଗଲୁ ତୁ ଛାଇ.

ଧୀରେ ଧୀରେ ଆତ୍ମପକ୍ଷୀ ଅଧୀର ହୋଇ,

   ଧୀରେ ଧୀରେ ତୋ ଜାଲରେ ପଡିଲା ଯାଇ ।

ଧୀରେ ଧୀରେ ମିଠା ମିଠା ଜହର ଦେଇ,

   ଧୀରେ ଧୀରେ ତୋ ପ୍ରେମରେ ନେଲୁ ଜଡେଇ.

ଧୀରେ ଧୀରେ ଆସିଲୁ ତୁ ଶ୍ରାବଣ ହୋଇ,

   ଧୀରେ ଧୀରେ ହୃଦୟକୁ ଦେଲୁ ଭିଜେଇ ।

ଧୀରେ ଧୀରେ କରିନେଲୁ ମନରେ ଘର,

    ଧୀରେ ଧୀରେ ଭୁଲିଗଲି ସାରା ସଂସାର.

ଧୀରେ ଧୀରେ ମୋ ଅନ୍ତରେ ତୋ ରୂପ ଛବି,

     ଧୀରେ ଧୀରେ ଛାପି ଦେଲି କିଛି ନଭାବି ।

ଧୀରେ ଧୀରେ ବନ୍ଦୀହେଲି ତୋ ପ୍ରେମ ଡୋରେ,

    ଧୀରେ ଧୀରେ ମନ ମୋର ତୋତେ ହିଁ ଝୁରେ.

ଧୀରେ ଧୀରେ ଚାଲି ଯାଉ ମୋତେ ନବୁଝି,

    ଜୀବନେ ମୁଁ ଛକିଶୂନ ଖେଳୁଛି ଆଜି ।