ଭିନ୍ନ ତପସ୍ୟା
ଭିନ୍ନ ତପସ୍ୟା
1 min
133
ତପୋବନ ସମ
ଶାନ୍ତ ମୋ ହୃଦୟ କୁଞ୍ଜ
ତପସ୍ୟା ପାଇଁ ଖାଲି
କେବଳ ତପୋରତ
ପୁଣି କେବେ
ଫେରିବ କି କୁହ ଗୋ ତପସ୍ୟା ।
ଏ ମନ
କିଆଁ ଆଜି ପୁଣିଥରେ
ଅଜାଣତରେ ହୁଏ ଏମନ୍ତ ଆଶଙ୍କାଗ୍ରସ୍ଥ ?
ବୈଶାଖର ଆଗମନରେ,
ଉତ୍ପତ ଝାଞ୍ଜି ଆସି ଉପସ୍ଥିତ ,
ଝାଉଁଳା ବୃକ୍ଷଟି ପରି,
ନୀରଵେ ମୁଁ ଅପେକ୍ଷାରତ ।
ତୁମ ପ୍ରୀତି ବର୍ଷାରେ
କିଆଁ ଭଲଲାଗେ ଭିଜିବାକୁ ମୋତେ ଟିକେ ?
ତଥାପି !
ମନେ କାହିଁ
ଛୁଏଁ ଅନେକ ଅଛିଣ୍ଡା ପାପ ?
ବେଳେ ବେଳେ ଏମିତି ମୁଁ ଭାବେ ,
ତୁମେ ନୁହେଁ ତ
ଏକ ସୁବର୍ଣ୍ଣ ମାୟା ହରିଣୀର ରୂପ ।