ରହସ୍ୟ

ରହସ୍ୟମୟ ଏ ପୃଥିବୀ ଆମର

ନିହିତେ ମିଠା ଓ ଖଟା,

ଶ୍ରେଷ୍ଠ ସ୍ରଷ୍ଟା ସୃଷ୍ଟି ମଣିଷ ଅଟଇ

ମାନବଗୁଣରୁ ଓଲଟା l

ଭଲ ଲାଗିଥାଏ ସେ ରହସ୍ୟ ଗପ

ରହସ୍ୟ ଦିଅଇ ଦୁଃଖ,

ଦିଶେ ସ୍ୱତନ୍ତ୍ର ପ୍ରାଣୀ ରହସ୍ୟ ଘେରେ 

ଶିକ୍ଷା ରହସ୍ୟେ ଅନେକ l

ହେଲେ ବି ରହସ୍ୟ ବଞ୍ଚିବାର ଇଚ୍ଛା

ଜନମେ ମରଣ ଥାଏ,

ଲାଗେଟି ରହସ୍ୟ ପଞ୍ଚଭୂତ ପ୍ରାଣ

ଜନ୍ମ ପରେ ଜନ୍ମ ନିଏ l

ଶରୀର ସଂସାର ନିଶା ପାନେ ଧ୍ବଂସ

ରହସ୍ୟ ତାହାର ସ୍ୱାଦ,

ନିଶାଶୂନ୍ୟ ଲୋକ କହିକିପାରିବ

ନିଶା ନିଶାରେ ବୁଡ଼ିବ l

ଖୋଜିବା କଷ୍ଟଟି ର

Advertisement

ହସ୍ୟ କ୍ରୋଧର

କଂସ, ରାବଣ ନାଶରୁ,

ଅଟଇ ରହସ୍ୟ ଅମଳିନ ଶ୍ରଦ୍ଧା

ସେ ଶବରୀ ଉଚ୍ଚିଷ୍ଟରୁ l

ଜାଣନ୍ତି କିଏ ସେ ପ୍ରେମର ରହସ୍ୟ

ଜାଣନ୍ତି ସେ ରାଧାକୃଷ୍ଣ l

କୃଷ୍ଣl ଥିଲେ ପଞ୍ଚପତିଙ୍କର ପତ୍ନୀ

କୃଷ୍ଣ ପ୍ରେମେ ଅମଳିନ l

ଜାଣି କେ କହିବ ଜୀବନ ରହସ୍ୟ

କେଉଁଠି ଭେଟ କାହାକୁ,

ବନ୍ୟାର ଲୁହ କେବେ ପୁଣି ସିଏ

ଭେଟେ ସେ କେବେ ହସକୁ l

ସ୍ୱୟଂ ନିରାକାର ଅଦୃଶ୍ୟ ରହସ୍ୟ

ଶୂନ୍ୟେ ରହସ୍ୟ ସର୍ବତ୍ର,

ରହସ୍ୟ ରହସ୍ୟ ଏ ସୃଷ୍ଟି ରହସ୍ୟେ

ମଣିଷ ନିମିତ୍ତ ମାତ୍ର  l