ରାଜଘାଟ

🏕🏕🏕ରାଜଘାଟ🏕🏕🏕🏕

🙈🙉🙊🙈🙉🙊🙈🙉🙊

ହେ ପରମ ପୂଜ୍ୟ   ଜାତିର ଜନକ

     ଭାରତ ମଉଡମଣୀ,

ଝୁରୁଅଛି ଆଜି    ଲୁହେ ଭିଜିଭିଜି

     ନିତ୍ୟ ଭାରତ ଜନନୀ ॥

ଜୀବନକୁ ବଳି   ଦେଲ କାଳମୁଖେ

     ଅହିଁସାକୁ କରି ଅସ୍ତ୍ର,

ଆଜନ୍ମ ରହିଲ   ଫକୀର ବେଶରେ

     ଖଦଡକୁ କରି ବସ୍ତ୍ର ॥

ସୁଖେ ପିଇଯାଇ  ଦୁଃଖ ନିର୍ଯ୍ୟାତନା

     ଇଂରେଜ ଶାସନ କଳୁଁ,

ଭାରତୀୟଂକର ଭାଗ୍ୟରେ ଲେଖିଲ

     ସ୍ୱାଧୀନତା କର୍ମ ବଳୁଁ ॥

ଇଂରେଜର ତୋପ  କମାଣ ଲୁଚିଲା

     ଅହିଁସା ଘର୍ଘର ନାଦେ,

ଗୋରା ସିପାହୀଂକ  ନିଦ ହଜାଇଲ

    ତୁମରି ଫିକର ଫାନ୍ଦେ ॥

କର୍ତ୍ତବ୍ୟ ରଥରେ    ସାଜିଥିଲ କୃଷ୍ଣ

    ସ୍ୱାଧୀନତା ରଣାଂଗନେ,

ବିଦେଶୀ କୈାରବେ  ମୁଣ୍ତ ପିଟୁଥିଲେ

    ତୁମ ଅହିଂସା ପାଷାଣେ ॥

ତୁମରି ସ୍ୱପ୍ନର     ଏ ଭାରତ ଭୂଇଁ

     ଝରାଇ ଆଖିରୁ ଲୁହ,

ନିତି ଖୋଜୁଅଛି   ରାଜଘାଟ ପରେ

     ତବ ଅନୁପମ ଦେହ ॥

ସ୍ୱାଧୀନ ଭାରତ    ପର‍ାଧୀନ ଆଜି

    ହିଂସା ଦ୍ୱେଶ ଶୋଷଣରେ,

ଧର୍ଷଣ ଜୁଇରେ   ସତୀ ପୋଡିମରେ

    ତବ ସ୍ୱପ୍ନ ଭାରତରେ ॥

ସ୍ୱଛ ଭାରତର    ଯୋଜନା ତୁମରି

     ଅଧୁରା ରହିଛି ଆଜି,

ଅସ୍ୱଛ କାଳିମା    ଗ୍ରାସରେ ସମାଜ

     ନିଇତି ହୁଅଇ ଭାଳି ॥

ଫେରିଆସ ବାପୁ   ଧରି ସେହି ବପୁ

     ସ୍ୱପ୍ନ ରାମ ରାଜ୍ୟ ପରେ,

କାଟି ପିନ୍ଧା ନୀତି   ସ୍ୱଦେଶୀ ପୀରତି

     ଫେରୁ ଭାରତ ବୁକୁ୍ରେ ॥