ରାବଣ ପୋଡ଼ି

ମିଛ ରାବଣକୁ ପୋଡ଼ିବାକୁ ଯାଇ ମରନ୍ତି ନିରୀହ ଲୋକ,

ଅସଲ ରାବଣ ଫୁଟାଇ ସେ ବାଣ ମିଛରେ ଟେକନ୍ତି ବେକ |

ଦଶହରା ଦିନ ରାବଣ ମରିନି ମରିଛି ମହିଷାସୁର,

ପାଗଳ ମଣିଷ ଅଜ୍ଞାନ ପଣରେ ଭାବନ୍ତି ନିଜକୁ ବୀର |

ଶବ୍ଦ ପ୍ରଦୂଷଣ ବାୟୁ ପ୍ରଦୂଷଣ ସମାଜର କରେ ହାନି,

ଚାନ୍ଦା ମାଗିନେୟ ଗୁଣ୍ଡାଦଳ ଲୋକ ପିଉଛନ୍ତି ନିଶାପାଣି |

ରାବଣ ପୋଡ଼ିରେ କେଉଁ ଲୋକଟିର ଦୁଃଖ ହୁଏନାହିଁ ଦୂର,

ଅସୁରଙ୍କ ଭଳି ମଦୁଆ ମାତାଲ କରୁଥା'ନ୍ତି ରେ-ରେକାର |

ସଭିଏଁ ଡ଼ରନ୍ତି ଗୁଣ୍ଡା-ମାତାଲକୁ ଚାନ୍ଦା ଦେଇଥା'ନ୍ତି ଡରି,

ନେତାମାନେ ଆସି ନିଆଁଙ୍କୁ ଲଗାନ୍ତି ମିଛ ଧନୁଶର ଧରି |

ମିଛରେ ମିଛରେ ବାଣଫୁଟେ ସିନା ନକଲି ରାବଣ ମରେ,

ଅସଲ ରାବଣ ବୁଲନ୍ତି ସହରେ ଜନତାର ଦୁଃଖ ବଢେ |