ପୁଣି ଥରେ ଏକାନ୍ତରେ

ଆଜି ପୁଣି ଥରେ ଇଛା ହୁଏ ଏକାନ୍ତରେ ରହିବାକୁ

ଶାନ୍ତଶୀତଳ ଜ୍ୟୋସ୍ନାରେ ତୁମ ସହ ଗପିବାକୁ

ସେହି ସମୟେ ବୋହୁଥାଏ ପବନର ସୁଅ 

ସେତେବେଳେ ଇଛା ହୁଏ ତୁମ ସ୍ପର୍ଶ ପାଇବାକୁ ।

ଆଖି ମୋର ଇସାରା ଦିଏ ସପନଟିଏ ଦେଖିବାକୁ

ସ୍ପନ୍ଦନର ଆଢ଼ୁଆଳରେ ତୁମ ଛବି ଆଙ୍କିବାକୁ

ସପନଠୁ ଦୂରରେ ପୁଣି ତୁମେ ବିତ ଥିଲେ

ସେତେବେଳେ ଇଛା ହୁଏ ତୁମକୁ ଟିକେ ଦେଖିବାକୁ ।

ତୁମର ପ୍ରତ୍ୟେକଟି କଥା ଛୁଇଁ ଯାଏ ମୋ ମନକୁ

ବାରମ୍ବାର ମୁଁ ପଚାରୁଥାଏ ଏଇ ମୋ ହୃଦୟକୁ

କେବେ ତୁମେ ଆସିବ ଗୋ କେବେ ଆସିବ ବୋଲି

ହେଲେ ସେତେବେଳେ ବୁଝିବାକୁ ହୁଏଅବୁଝା ମନକୁ ।

ମନା କରେ ଶାରୀ ଆଜି ସେ ପଞ୍ଜୁରୀରେ ରହିବାକୁ

ପଞ୍ଜୁରୀରୁ ଦୂରେଇ ଯାଇ ଖୋଜୁଥାଏ ତା ପରିଚୟକୁ

ପଞ୍ଜୁରୀରେ ରହି ସିଏ ସାଜେ ଅସହାୟ

ଆଜି କାଇଁ ଇଛା ହୁଏ ବାଲାଘରଟିଏ ତୋଳିବାକୁ ।