Library
Profile
ପଥଭ୍ରଷ୍ଟ
ପଥଭ୍ରଷ୍ଟ
ହଁ ମୁଁ ଜାଣିପାରୁଛି
ତୁମେ ଅର୍ଚ୍ଚନା ନାଗ୍ ହେବାକୁ
ଖୁବ୍ ମନ ଵଳେଇଛ !
କିନ୍ତୁ ଜାଣିରଖ
ମୁଁ କେବେ ବି ଜଗବନ୍ଧୁ ଚାନ୍ଦ୍
ହେଇପାରିବିନି !
ସାମ୍ରାଜ୍ୟ ବିସ୍ତାର କରି
ଚକ୍ରବର୍ତ୍ତୀ ସମ୍ରାଟ ହେଵାର
ମୋହ ମୋ'ର ଆଦୌ ନାହିଁ .।
ମୁଁ ନୀତି , ଆଦର୍ଶ
ସଂସ୍କାର , ସମ୍ମାନ ଓ ସ୍ବାଭିମାନ କୁ
ନେଇ ବଞ୍ଚିବାକୁ ଚାହେଁ !
ମୋ ସାଥିରେ ଜୀଵନ ବିତେଇବାକୁ
ତୁମେ ଅଣନିଃଶ୍ବାସୀ ଅନୁଭଵ
କରୁଛ କି ?
ପାରୁଛ ଯଦି ଏ ପ୍ରେମ ଫାଶରୁ
ମୁକୁଳିଯାଇପାର ନଚେତ୍&n
bsp;
ପ୍ରେମକୁ ବଞ୍ଚେଇ ରଖିବାରେ
ମୋତେ ସାହାଯ୍ୟ କର ।
ଆଗରୁ ବହୁତ ଥର କହିଛି ଏବେ ଵି କହୁଛି
ତୁମେ ବିବାହିତା .. ଏକ
ରକ୍ଷଣଶୀଳ ପରିବାରର
କୁଳଵଧୂ !
ତୁମର ନିର୍ଦ୍ଦିଷ୍ଟ ଦାୟିତ୍ଵଵୋଧତା
ଅଛି , ସମ୍ଭ୍ରମତା ଵି
ଲଜ୍ଜା , ଶାଳୀନତାର ସୀମା
ଟପିଗଲେ ତୁମେ ଆଉ
ନାରୀ ପଦଵାଚ୍ୟ ହେଇପାରିଵନି ।
ସ୍ଵୟଂର ମର୍ଯ୍ୟାଦାକୁ ମାପି
ନିଜ ପରିଧି ଭିତରେ ରୁହ ।
ମରୀଚିକା ପଛରେ ଧାଇଁଲେ
ତୃଷ୍ଣା ମେଣ୍ଟେନା ବରଂ
ଜୀଵନୀ ଶକ୍ତି ଦୁର୍ବଳ ହୁଏ ।
