ଅଫୁଟା ଫୁଲ

ଫୁଲଟିଏ ନିଜକୁ ସେତେବେଳେ

ସ୍ୱୟଂସମ୍ପୂର୍ଣ ଭାବେ

ଯେତେବେଳେ ସିଏ କଢରୁ

ଫୁଲ ଟିଏ ହୋଇଥାଏ

ପାଦପର ଶୋଭାବର୍ଦ୍ଧନ କରେ

ନିଜ ଆଡକୁ ଭ୍ରମରକୁ

ଆମନ୍ତ୍ରଣ କରେ ଆଉ

ମନ୍ଦମନ୍ଦ ସମୀରଣରେ

ଦୋହଲି ଦୋହଲି ଖେଳେ !

ଯଦି ସେ ଗଛରେ ଫୁଟିପାରିଲାନି

ନିଜର ସୁରଭିକୁ ଅନ୍ୟମାନଙ୍କ ପାଇଁ

ବିତରୀ ପାରିଲା ନାହିଁ କିମ୍ବା

ଦେବତାଙ୍କ ମସ୍ତକରେ ଅର୍ପଣ ହୋଇପାରିଲାନି

ତେବେ ତା ଫୁଲ ଜନ୍ମର ସାର୍ଥକ ହୋଇପାରେନା !

ଅନୁଶୋଚନାରେ ଭାଙ୍ଗି ପଡି

ହୃଦୟରେ ଦୁଃଖକୁ ଚାପି ରଖି

କେବଳ ଏତିକି କହେ ମୁଁ ଗୋଟେ

"ଅଫୁଟା ଫୁଲ "ଟିଏ !