ପ୍ରତିଶ୍ରୁତି

ଜୀବନରେ ତୁମେ କାହା ଆଗେ କେବେ

ଦିଅନାହିଁ ପ୍ରତିଶ୍ରୁତି,

ଥରେ ଭାବିଦେଖ ଯାହାବି କରୁଛ

ଗର୍ବ ଅହଙ୍କାରେ ମାତି |

ତୁମ ଆଚରଣ ଅବା ଉଚ୍ଚାରଣ

ଆଉ କାରେ ଦିଏ ଦୁଃଖ,

ପ୍ରତିଶ୍ରୁତି ଯଦି ମିଥ୍ୟା ବୋଲାଇଲା

ମନେ ଆଣିଦେବ ଶୋକ |

କଥାଦେଇ ଯଦି ପୂରଣ ନକଲ

କାହା ମନ ଦେଲ ଭାଙ୍ଗି,

ଆଶା ଆକାଂକ୍ଷାର ସାଜିଲେ ବଇରୀ

ବଦଳିବ ଭାବଭଙ୍ଗୀ |

ଏପରି ଅନେକ ଅଛନ୍ତି ସଂସାରେ

ମିଥ୍ୟାବାଦୀ ଭ୍ରଷ୍ଟାଚାରି,

ମନ ବିବେକକୁ ଗ୍ରାସ କରିଦ୍ୟନ୍ତି

ମିଥ୍ୟା ପ୍ରତିଶ୍ରୁତି ଭରି |

ଜ୍ଞାନୀ ଗୁଣି ଜନ ବିଚାର କରିବ

ବୁଦ୍ଧି ବିବେକ ଖଟାଇ,

ଏପରି ଲୋକଙ୍କୁ ଦୂରୁ ଜୁହାରିବ

ନହେଲେ ହେବ ପସ୍ତେଇ |

ପ୍ରତିଶ୍ରୁତି ଦିଅ ଅବା କାରେ ନିଅ

ହୃଦୟକୁ ସ୍ୱଛ କର,

କେହି ନୁହେଁ ଏଠି ଅଜର ଅମର

କୁଣିଆଁ ଦୁଇ ଦିନର |