Library
Profile
ପ୍ରଥମାଷ୍ଟମୀ
ପ୍ରଥମାଷ୍ଟମୀ
ଓଡ଼ିଶା ଅଞ୍ଚଳେ ପାଳନ୍ତି ଶ୍ରଦ୍ଧାରେ
ମାର୍ଗଶିର କୃଷ୍ଣ ଅଷ୍ଟମୀ
ଅତୀତ ଦିନର ମାସ ମାର୍ଗଶିର
ବର୍ଷ ଆଦ୍ୟ ବୋଲି ଗଣି I
ଆଦ୍ୟ ଅଷ୍ଟମୀ କୁ ପ୍ରଥମା ଅଷ୍ଟମୀ
ଆଦ୍ୟ ପରବ ପାଳନ
ପଢ଼ୁଆଁ ଅଷ୍ଟମୀ ସୌଭାଗିନିଷ୍ଟମୀ
ପାପ ନାସିନି ଅଷ୍ଟମୀ ନାମେ ପୂଜନ I
ଘର ର ସୌଭାଗ୍ୟ ଘର ର ସମ୍ମାନ
ବଂଶ ର ଜାତ ପ୍ରଥମ ସନ୍ତାନ
ଦୁବ ଖୋସି କାନେ ବର କୋଳି ପତ୍ରେ
ବନ୍ଦାନ୍ତି ମଥାରେ ଦେଇ ଟିପା ଚନ୍ଦନ I
ପ୍ରଥମ ସନ୍ତାନ ପୁଅ ଅବା ଝିଅ
ଘର ର ଯିଏ ଜ୍ୟେଷ୍ଠ
ଘର ର ସମ୍ମାନ ପିତା ଙ୍କ ସମାନ
ପୂଜି ସମ୍ମାନେ ହୁଅନ୍ତି ସନ୍ତୁଷ୍ଟ I
ବନ୍ଦାଣ ଆଗରୁ ମାମୁଁ ଘର ବସ୍ତ୍ର
ପିନ୍ଧି ବସେ ଜ୍ୟେଷ୍ଠ ପିଢ଼ା ପରେ
ସ୍ନାନ ଶୁଦ୍ଧ ପାଇ ଅମୃତ ବେଳରେ
ଷଠି ପୂଜା ହୁଏ ମହା ଆଡ଼ମ୍ବରରେ I
ହଳଦୀ ପତର ଏଣ୍ଡୁରି ପିଠା ର
ଏଠି ବିଶେଷତ୍ଵ ନିଆରା
ପଞ୍ଚ ପଲ୍ଲବ ଓ ପଞ୍ଚ ଶସ୍ୟ ଦେଇ
କଳସ ବରୁଣ ପୂଜା ହୁଏ ପୁରା I
ପ୍ରଭୁ ଲିଙ୍ଗରାଜ ପଢୁଆଁଷ୍ଟମୀ ରେ
କପାଳି ମଠକୁ ଯାଆନ୍ତି
ମାଇଁ ବନଦେବୀ ମାମୁଁ କପାଳେ ଶ୍ୱର
ପଢ଼ୁଆଁ ହେବାକୁ ସ୍ୱାଗତନ୍ତି I
କପାଳି ମଠର ପୁଷ୍କରିଣୀ ଜଳ
ପୁଣ୍ୟ ପବିତ୍ର ଅଟେ
ଏ ଅଷ୍ଟମୀ ରେ ନୀର ତା ପିଇ ଲେ
ପାପ ନାଶ, ବନ୍ଧ୍ୟା ଦୋଷ କଟେ I
ସୌଭାଗିନୀ ଦେବୀ ପୂଜିତ ଏ ଦିନ
ଶସ୍ୟ ରୂପକ ସନ୍ତାନ ପାଇଲା ଚାଷୀ
ପୂର୍ବେ ସମ୍ଭବତଃ ସୌଭାଗ୍ୟ ଉଦୟ
ଭାବି ପୂଜି ଚାଷୀ ଖୁସି I
ତାନ୍ତ୍ରିକ ପାଇଁ କି ଅଷ୍ଟମୀ ତିଥି ଟା
ତନ୍ତ୍ର ସାଧନା ରେ ସିଦ୍ଧ
କାଳରାତ୍ରି ରୂପେ ଆଦ୍ୟାଶକ୍ତି ମାଆ
ଅଷ୍ଟମୀ ରେ ହୋଇଥିଲେ ଅବତୀର୍ଣ୍ଣ I
ସ୍କନ୍ଦ ପୁରାଣରେ ଉଲ୍ଲେଖ ରହିଛି
ମାର୍ଗଶିର କୃଷ୍ଣ ଅଷ୍ଟମୀ
କାଳ ଭୈରବ ଙ୍କ ବ୍ରତ କଲେ ପ୍ରାଣୀ
ପାପ କ୍ଷୟ କରି ଧର୍ମ ରେ ହୁଏ ଧନୀ I
ପୂଜା ବିଧି ଅନ୍ତେ ଜ୍ୟେଷ୍ଠ ସନ୍ତାନ ଯେ
ଷଠି ଙ୍କୁ ମୁଣ୍ଡିଆ ମାରି
ଗୁରୁଜନ ପାଦେ ମସ୍ତକ ନୁଆଇଁ
ଆଶିଷ ଲଭେ ଆଦରି I
ଆମ ପରମ୍ପରା ପଢ଼ୁଁଆଁ ଅଷ୍ଟମୀ
ପରିବାର ଶୃଙ୍ଖଳା ଆଦର୍ଶ
ପରିହାସ ଛଳେ ମାମୁଁ ଙ୍କୁ ଏ ଲୋକେ
ଅଷ୍ଟମୀ ବନ୍ଧୁ ବୋଲି ଡାକି ହର୍ଷ ।
ନୀତି ଆଦର୍ଶ ର ବାହୁ ବନ୍ଧନ ରେ
ଜ୍ୟେଷ୍ଠ ପରିବାର ଦକ୍ଷ ପାଇଁ
ଆମ ପରମ୍ପରା ଆମ ଏ ସଂସ୍କୃତି
ଧନ୍ୟ ଆମ ଏ ଓଡ଼ିଶା ଭୂଇଁ I।
