ପରମଧାମ

କ୍ଷେତ୍ର ନିତ୍ୟପୁରି  ଶ୍ରୀପୁରୁଷୋତ୍ତମ

  ମର୍ତ୍ତ୍ୟ ଗୋଲକ ବୈକୁଣ୍ଠ

ବିଜେ ହୋଇଛନ୍ତି  ପ୍ରଭୁ ଜଗନ୍ନାଥ

   ପରମ ବ୍ରହ୍ମ ସ୍ୱରୂପ ।

ପରମ ଧାମର  ପୂର୍ଣ୍ଣ ପ୍ରତିରୂପ

   ଶଙ୍ଖନାଭି ନୀଳାଚଳ

ତ୍ରିଗୁଣ ତ୍ରିମୂର୍ତ୍ତି  ସୁଦର୍ଶନ ସହ

   ବିଜେ ରତ୍ନ ସିଂହାସନ ।

ନାହିଁ ଉଦେ ଅସ୍ତ ଅବା ହସ୍ତପଦ

   ନିର୍ନିମେଷ ଚକାଆଖି

କୋଟି ବ୍ରହ୍ମାଣ୍ଡର  ପାଳନ କରତା

   ଦେଖୁଛି ସବୁ ନିରେଖି ।

ତା ବଡ଼ ଦେଉଳ  ନୀଳଚକ୍ର ବାନା

   ନାମ ପତିତପାବନ

ମୁକ୍ତିପ୍ରଦ ତାର  ଶ୍ରୀମହାପ୍ରସାଦ

   ଚୈ।ଷଠି ଅନ୍ନବ୍ୟଞ୍ଜନ ।

ଏ ମାୟା ସ°ସାରେ ସିଏ କଳ୍ପବଟ

   ଫଳଛାୟା ସମନ୍ୱିତ

ବଡ଼ଦାଣ୍ଡେ ତାର ଚଳେ ନନ୍ଦିଘୋଷ

   ଦଶଅବତାର ଯାତ ।

ଅନନ୍ତ ତା ଲୀଳା  କରୁଛନ୍ତି ଧ୍ୟାନ

  ଯୋଗୀ ଋଷି ମୁନୀ ଜ୍ଞାନୀ

ସ୍ୱୟଂ ବ୍ରହ୍ମା ସୂର୍ଯ୍ୟ ଆଚାର୍ଯ୍ୟ ଶଙ୍କର

  ଓଙ୍କାରନ୍ତି ବେଦ ଧ୍ୱନି ।

ଯଜ୍ଞେ ସୁପବିତ୍ର  ମହିମା ମଣ୍ଡିତ

   ସ୍ୱର୍ଣ୍ଣରେଣୁ ସ୍ୱର୍ଗଦ୍ୱାର

ପରମ ଆରାଧ୍ୟ  ପଦମପାଦକୁ

   ଧ୍ୟାୟୁ ମନ ନିରନ୍ତର ।