Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Dambarudhar Dash

Inspirational

4  

Dambarudhar Dash

Inspirational

ପ୍ରକୃତି

ପ୍ରକୃତି

1 min
195


ପ୍ରକୃତି ରାଣୀର     ଅପରୂପ କାନ୍ତି 

     ମନ ନେଇଯାଏ କିଣି

ବୋହିଯାଏ ଯେହ୍ନେ   କୁଳୁକୁଳୁ ନାଦେ 

     ଶୁଭ୍ର ଝରଣାର ପାଣି ।


କେତେ ନଦନଦୀ    ପାହାଡ ପର୍ବତ 

     ଜୀବଜନ୍ତୁ ପଶୁପକ୍ଷୀ

ସର୍ବେ ମିଶିକରି     ପ୍ରକୃତିର ଅଂଶ 

   ରୂପ ସୌନ୍ଦର୍ଯ୍ୟର ସାକ୍ଷୀ ।


ପକ୍ଷୀର କାକଳି     ବୀଣାଜିଣା ଧ୍ଵନି 

     କୋକିଳର କୁହୁ ତାନ

ମନ୍ଦ ମନ୍ଦ ବାଆ     ଭାରି ମନଛୁଆଁ

    ପୁଲକିତ ହୁଏ ପ୍ରାଣ ।


ଦେଖିଦେଲେ ଥରେ  ସବୁଜ ବନାନୀ 

      ପଲକ ପଡ଼େନି ଜମା

ପତ୍ର ଫୁଲ ଫଳ    ଝୁଣା ମହୁ ଲାଖ

    ନାହିଁ ତାର ଗୁଣ ସୀମା ।


ନାନା ରଙ୍ଗେ ଫୁଲ   ଫୁଟି ଚହଟଇ 

       ଚଉଦିଗରେ ସୁବାଷ

ମନ ମୋହିନିଏ     ପ୍ରକୃତି ରାଣୀର 

     ନବ ଯଉବନ ବେଶ ।


ନୀଳ ନିଳିମାରେ    ଭରିଛି ଆକାଶ 

     ତାରା ଫୁଲ ମାଳମାଳ

ସୂର୍ଯ୍ୟ ଚନ୍ଦ୍ର ଯହିଁ     ହୋନ୍ତି ଆତଜାତ 

   ଏକ ସ୍ଥାନେ ହୋଇ ମେଳ ।


ସୁବର୍ଣ୍ଣ ପ୍ରକାଶ      ଦେଇ ଦିନକର

      ଦେଖାନ୍ତି ପ୍ରକୃତି ଶୋଭା

ପୂର୍ଣ୍ଣମୀ ଚାନ୍ଦର     ଶୀତଳ ଯୋଛନା

     ଦିଶେ କେଡ଼େ ମନଲୋଭା ।


ଘୋର ନିଦାଘରେ    ଅସହ୍ୟ ତାତିରେ 

       ପ୍ରକୃତି ଝାଉଁଳି ଯାଏ

ନାନା ଜାତି ପକ୍ବ    ଫଳେ ପୂର୍ଣ୍ଣ ହୋଇ 

      ସବୁରି ମନକୁ ମୋହେ ।


ବରଷା କାଳରେ    ଶସ୍ୟ ଶ୍ୟାମଳରେ 

      ପୂରି ଉଠେ ମର୍ତ୍ତ୍ୟପୁର

    ସାତ ରଙ୍ଗର ଯେ    ଓଢଣାକୁ ଟାଣି 

         ପ୍ରକୃତି ଦିଶେ ସୁନ୍ଦର ।


    ଶରତେ ଶିଶିର     ପ୍ରଭାତ କିରଣେ 

          ହୀରା ମୋତି ଝଟକାଏ

   କାଶତଣ୍ଡି ଫୁଲ      କି ଅମୂଲ ମୂଲ 

       ଦିବ୍ୟ ରୂପ ଶୋଭାପାଏ ।


   ବସନ୍ତ ଆଗମେ     ଏହି ଧରାଧାମେ 

           ପ୍ରକୃତିର ହସ ଝରେ

   ଯଉବନ ବେଳ       ହୁଏ ଢଳଢ଼ଳ 

       ମୋହିନୀ ରୂପକୁ ଧରେ ।


Rate this content
Log in