ସମୟ
ସମୟ
ଘଣ୍ଟା ଚାଲୁଥାଏ ଟିକ୍ ଟିକ୍
ସମୟ ବତାଏ ଠିକ୍ ଠିକ୍ ।
ତାହାକୁ କିଏ ପାରିବ ରୋକି
ଚାଲିଥାଏ ସେ ପଡେନି ଥକି ।
ସମୟଟି ବଡ଼ ବଳବାନ
ସଦୁପଯୋଗେ ମିଳେ ସମ୍ମାନ।
ତାଳ ଦେଇ ସାଥେ ଚାଲୁଥିଲେ
ସଫଳତା ତାକୁ ମିଳେ ଭଲେ ।
ସମୟ ସ୍ରୋତ ଭାରି ପ୍ରଖର
ଭସାଏ କରି ତଲ ଉପର ।
ସମୟ ଭଲ ହୋଇବ ଯେବେ
ସଭିଏଁ ଆପଣା ହେବେ ତେବେ ।
ସମୟ ଯେବେ ଖରାପ ହେବ
ଆପଣା ସ୍ତିରୀ ହାତ ଛାଡ଼ିବ ।
ସମୟ ଭଲେ ମିଳଇ ମାନ
ଖରାପ ହୋଇଲେ ହୀନିମାନ ।
ତେଣୁ ହେ ଭାଇ ମୋ କଥା ଶୁଣ
ଏବେରୁ ହୁଅ ହେ ସଚେତନ ।
କହୁଣୀକୁ ଗଲେ ନେଡ଼ିଗୁଡ଼
ତିଷ୍ଠିବକି ହେଲେ ଯେତେ ବଡ଼ ।
ସମୟ କର ସଦୁପଯୋଗ
ନିଜ ହାତରେ ଗଢ଼ ଭାଗ୍ୟ ।