ପ୍ରକୃତ ଚାକର କିଏ ?
ପ୍ରକୃତ ଚାକର କିଏ ?
ମଣିଷର ଚରଣରେ ଥାଏ
ମନୁଷ୍ୟ ଯେଉଁଆଡେ ଯାଏ,
ବିପଦରୁ ସବୁ ରକ୍ଷା କରେ
ସେ ଜିନିଷଟି ଜାଣ କିଏ l(1)
ସବୁ ଋତୁ ଓ କଣ୍ଟା ପଥରୁ
ରକ୍ଷା କରଇ ସେ ଆମକୁ,
ଆମ ଚରଣରେ ରହିଥିଲେ
ଡର ନାହିଁ ତଳ ବାଧାକୁ l (2)
ମାନବ ସେବାକୁ ବ୍ରତ ଭାବେ
ଗ୍ରହଣ କରିଛି ନିଜକୁ,
ଯେତେ ଝଡ ଝଞ୍ଜା ଆସିଲେ ବି
ରକ୍ଷା କରଇ ଚରଣକୁ l (3)
ତାକୁ ଆମେ ସବୁ ନ ପିନ୍ଧିଲେ
ବିଭିନ୍ନ ରୋଗ ଭୋଗ କରୁ,
ଖରା ଦିନେ ବେଶୀ କଷ୍ଟ ପାଇ
ପଥ ଜମା ଚାଲି ନ ପାରୁ l (4)
ତାକୁ ଯିଏ କିଣି କରି ପିନ୍ଧେ
ସେ ହୁଅଇ ତାର ଚାକର,
ମଲିକ ସେବା ପରମ ଧର୍ମ
ଭାବେ ଜୀବନେ ଶ୍ରେୟସ୍କର l (5)
ପରୋପକାର ଈଶ୍ୱର ସେବା
ମୂଳ ମନ୍ତ୍ର ଭାବେ ନେଇଛି,
ପାଦେ ରହି ସେବା କରିବାକୁ
ଠାକୁରଙ୍କୁ ବର ମାଗୁଛୁ l (6)
ଭରତ ଯେପରି ସେବୁଥିଲେ
ଶ୍ରୀରାମଙ୍କର ପାଦୁକାକୁ,
କିଏ ସେପରି ପୂଜା କରୁଛି
ତୁମ ଚରଣ ଯୁଗଳକୁ l (7)