ପ୍ରକୃତ ବନ୍ଧୁ

ସମ୍ପର୍କର ଡୋରି ଦୂରୁଆଣେ ଟାଣି 

   ବନ୍ଧୁଆସେ  ସରାଗରେ , 

ବନ୍ଧୁ ହସିଦେଲେ ଫୁଲ ଝରିପଡେ 

   ଶୁଭାଶିଷ  ଲଗନରେ !!

ଦରଦୀ ହୃଦୟ  ବନ୍ଧୁତ୍ବ ବିଭବ 

   ସୁଖଦୁଃଖେ  ହୁଏ ଭାଗି , 

ବିପଦ ଆପଦେ ବନ୍ଧୁ ସାହାହୁଏ 

    ବନ୍ଧୁତ୍ବ ଉଠଇ ଜାଗି ! ! 

ଧନୀଗରିବ'ର  ନାହିଁ ଭେଦଭାବ 

    ବନ୍ଧୁତା ଆଦର୍ଶ ଛବି , 

ବନ୍ଧୁ ମାନେ ନାହିଁ ଜାତିକି ଅଜାତି 

    ବନ୍ଧୁ ଅଂଶୁମାନ ରଵି ! ! 

ବନ୍ଧୁର ହୃଦୟ ସ୍ନେହଁ ପ୍ରେମେ ପୂର୍ଣ୍ଣ 

   ନିଆରା ସମ୍ପର୍କ ଭାବ , 

ବନ୍ଧୁ ଏକା ବୁଝେ ବନ୍ଧୁ ଏକା ଯୁଝେ 

   ସର୍ବସିଦ୍ଧି  ପୁଣ୍ୟଲାଭ ! ! 

ଜୀବନପଥରେ କେତେ ଝଡ ଆସେ 

   ବନ୍ଧୁ'ହିଁ ପାରଇ ଜାଣି 

ବିପଦ ଆପଦେ ବନ୍ଧୁ ଧାଇଁଆସେ

    କରି ଦିଏ  ଚିରଋଣୀ ! ! 

ପ୍ରକୃତ ବନ୍ଧୁର  ଏଇ ପରିଚୟ

   ରାଜଦ୍ୱାରେ ଶମସାନେ ;

ଉତ୍ସବ ବ୍ୟତ୍ସନେ ରହେ ଉପସ୍ଥିତ

   କୋଟି ଜନମନ ଜିଣେ !!

ଦେଇ ଆଶ୍ୱସନା ସାଜେ ସମ୍ଭାବନା 

    ସଙ୍କଟରେ ଥିଲେ ବନ୍ଧୁ 

ସମଦୁଃଖେ କାନ୍ଦେ ଦରଦୀ ହୃଦୟେ 

    ନୟନୁ ନିଗାଡ଼ି ବିନ୍ଦୁ !!

 ଶୁଭ ଅବସରେ ବନ୍ଧୁ ମିଳନରେ 

    କରୁଛି ମୁଁ' ନିବେଦନ ;

ଆହେ ବନ୍ଧୁଗଣ ରଖ ବନ୍ଧୁପଣ

   ମନରେ ନରଖି ଆନ !!

ମଧୁର ସମ୍ପର୍କ  ଗଢିବ କୋଣାର୍କ

    ସ୍ମୃତି ଦୀପ୍ତିମୟ ହୋଇ ;

ଉଦ୍ଭାସିତ ହେବ ଏସାରା ବିଶ୍ୱରେ 

   ବନ୍ଧୁତା'ର ଗାଥା ଗାଇ !!

ବିଶ୍ୱସମୁଦାୟ ଏକ ପରିବାର

  ବନ୍ଧୁତା'ତ  ସେତୁବନ୍ଧ ;

ସେତୁବନ୍ଧେ ଚାଲ ଧରି ସର୍ବେ ହସ୍ତ

   କାନ୍ଧକୁ ମିଳାଇ କାନ୍ଧ ;!!

ସଂସାର'ର ଚିତ୍ର ବନ୍ଧୁର ସଂଳାପ 

    ସବୁ ଲାଗେ ଆପାଣର , 

ହେ'ପ୍ରକୃତବନ୍ଧୁ  ଆସିବ ପାଖକୁ 

   ଉନ୍ନୁକ୍ତ  ଅଛି ମନ୍ଦିର  ! ! 

ବିଶ୍ଵ ଦରବାରେ ବନ୍ଧୁତା ଆଦର୍ଶେ 

     ଭାରତୀୟ ଭାବ ଧାରା , 

ସମ୍ପର୍କ ସୌହାର୍ଦ୍ଦ୍ୟ ମୂଳ ଲକ୍ଷ୍ୟ ପିଣ୍ଡ 

     ପବିତ୍ର ଏ' ମାଟି ଧରା ! !