ପରକାଳ
ପରକାଳ
ଇହକାଳ ଆଉ ପରକାଳ ବୋଲି
ସଂସାରେ ବିଶ୍ୱାସ ଥାଏ,
ଗୋଟିଏ ଦୃଶ୍ୟ ଓ ଅନ୍ୟଟି ଅଦୃଶ୍ୟ
କର୍ମ ବଳେ ଭୋଗ ହୁଏ l
ଯେତେ ଦିନ ଯାଏ ବଞ୍ଚିବା ମହୀରେ
ତାହା ଆମ ଇହକାଳ,
ଆତ୍ମା ଚାଲିଗଲେ ପିଣ୍ଡ ଟିକୁ ଛାଡି
ହୋଇଥାଏ ପରକାଳ l
ଦେହ ଭୋଗୁଥାଏ ଇହ କାଳ ସୁଖ
ଆତ୍ମା ଭୋଗେ ପରକାଳେ,
ସୁକର୍ମ କୁକର୍ମ ବିଚାରହୁଅଇ
ଜୀବନ ଯିବାର ବେଳେ l
ଇହକାଳ ଟିକୁ ଭୋଗ କରିଥାଉ
କରିଯାଉ କର୍ମ ମାନ,.
ମରିଗଲା ପରେ ପରକାଳହୁଏ
ବିଚାର କର୍ମର ଜାଣ l
ସୁକର୍ମ ଯୋଗରେ ସ୍ୱର୍ଗ ପ୍ରାପ୍ତି ହୁଏ
କୁକର୍ମେ ନର୍କ କୁ ଗତି,
କର୍ମ ଫଳ ଆମ ବିଚାର ନିମନ୍ତେ
ପ୍ରଭୁ ତହିଁ ରହିଛନ୍ତି l
ପରକାଳେ ଆମେ ଦଣ୍ଡ ପାଇଥାଉ
ଏଜନ୍ମର ପାପ ପାଇଁ,
. ପାପ ପୁଣ୍ୟ କୁ ବିଚାର କରିଣ
ପୁନଃ ଜନ୍ମ ମିଳିଥାଇ l
ପରକାଳ ଭୁଲି ମାନବ ସମାଜ
କରିଯାନ୍ତି ଅପକର୍ମ,
ଲୋଭ ମୋହ ଗ୍ରସ୍ତ ହୋଇଣ ମନୁଷ୍ୟ
ନଷ୍ଟ କରେ ଇହ ଜନ୍ମ l
ପରକାଳ ଟିକୁ ସୁଧାରିବାପାଇଁ
ଇହଜନ୍ମ ସୁଧାରିବା,
ସତ୍ୟ ପଥେଆଉ ଧର୍ମ ମାର୍ଗେ ରହି
ଏଜୀବନ କାଟୁଥିବା l