Library
Profile
ଚାକିରୀ
ଚାକିରୀ
ଚାକିରୀ କରିବା ସହଜିଆ କାମ
ଭାବିଥାନ୍ତି କେହି କେହି ।
ଅଫିସ୍କୁ ଗଲେ ଦରମା ମିଳିବ
କାମ ହେଉ ଅବା ନାହିଁ ।୧।
ଚାକିରୀ କରିଲେ ମିଳିବ ଦରମା
କାମରେ ଲୋଡା ବୋନସ୍ ।
ଏମିତି କେତେକ ଭାବି ବସିଛନ୍ତି
ନକରିବ ପରିହାସ ।୨।
ଅଫିସ୍ ଆସିଲେ ଖୁସି ମଜା କରି
ଘରକୁ ସେ ଗଲେ ଫେରି ।
କାମ ହେଲେ ହେଲା ନହେଲେ ନହେଲା
ନାହିଁ ତାଙ୍କର ଖାତିରି ।୩।
ଦାୟିତ୍ୱସମ୍ପନ୍ନ ହେଲା ଯିଏ ତାର
ଉପରେ ବୋଝ ଅଧିକ ।
ପଡିଥାଏ ଏଥି ନକର ସନ୍ଦେହ
ଖଟାଏ ବୁଦ୍ଧି ବିବେକ ।୪।
ନିଷ୍ଠାପର କର୍ମୀ ସଦା ତତପର
ରହି ଚାକିରୀ କରଇ ।
ଧରମ ପଥରେ ବିତ୍ତ ଅରଜନ
କରି କୁଟୁମ୍ବ ପୋଷଇ ।୫।
କ
େବେହେଁ ନ ଭାବ ଚାକିରୀ କରିଛ
ଉପୁରି ନେଇ ଚଳିବ ।
ଅଧର୍ମର ବିତ୍ତ ବଢିବ ବହୁତ
କାଳେ ତା ସମୂଳେ ଯିବ ।୬।
ଚାକିରୀ କରିଛ ଯେଉଁ ଅନୁଷ୍ଠାନେ
ରଖିବ ତାହାର ମାନ ।
ମାନ ବଢାଇଲେ ମନେ ରଖ ସଦା
ବଢିବ ତୁମ ସମ୍ମାନ ।୭।
ସାଧାରଣ କଥା ନୁହଇ ଚାକିରୀ
ସେବା କରିବା ସୁଯୋଗ ।
ମିଳିଛି ତୁମକୁ ନିଷ୍ଠାପର ଭାବେ
କର ତାର ଉପଯୋଗ ।୮।
ଚାକିରୀ ଅଟଇ ଖଣ୍ଡାଧାର ସମ
ତରକି ସଦା ରହିବ ।
ତତ୍ପରତା ସହ କରମ କରିଲେ
ସଫଳତା ହିଁ ମିଳିବ । ୯।
ନିଜେ ବଦନାମ ସଂସ୍ଥାର ଦୁର୍ନାମ
କେବେହେଲେ ନ କରିବ ।
ଚାକିରୀ କାଳଟି ଭଲରେ କଟାଅ
ଶାନ୍ତିରେ ତୁମେ ରହିବ ।୧୦।
