ଅନ୍ଧାର ଘର
ଅନ୍ଧାର ଘର
ଅନ୍ଧାର ଘରଟି ଡରାଏ ସଭିଙ୍କୁ
ଡରକୁଳା ବେଶୀ ଡରେ ।
ଆଲୋକ ଜାଳିଲେ ଆଲୋକ ବର୍ତ୍ତିକା
ଅନ୍ଧକାର ଦୂର କରେ ।୧।
ଅନ୍ଧାର ଅଟଇ ଅଜ୍ଞାନ ପ୍ରତୀକ
ଅନ୍ଧକାର ନାଶ କର ।
ଆଲୋକର ଶିଖା ଜ୍ଞାନର ପ୍ରଦୀପ
ଅନ୍ଧକାର କରେ ଦୂର ।୨।
ଅନ୍ଧାର ଘରକୁ ଡର ନାହିଁ କେବେ
ତୁମକୁ ଲାଗିଲେ ଡର ।
ନ ଡରି ଭଲରେ ନିରୀକ୍ଷଣ କର
ଆଉ ନ ଲାଗିବ ଡର ।୩।
ଅନ୍ଧାର ଘର ଭିତରେ ଭୂତ ପ୍ରେତ
ଭୟ ଥିବ ଭାବୁଥିବ ।
ଡର ନାହିଁ କେବେ ଆଲୋକ ଜାଳିଲେ
ତୁମର ଭୟ ନ ଥିବ ।୪।
ଅନ୍ଧାର ଘର ଭିତରେ ନ ରହିବ
ଆଲୋକ ନିଶ୍ଚେ ଜାଳିବ ।
ଆଲୋକ ଯେବେ ନ ଜାଳିବ ସେ ଘର
ମାଡି ମାଡି ପଡୁଥିବ ।୫।
ଅନ୍ଧାରେ ରହିବା ଉଚିତ ନୁହଇ
ଅନ୍ଧାରରେ ଖାଅ ନାହିଁ ।
ଅନ୍ଧାର ଘରରେ ଆତଯାତ ହେବା
କେବେ ଉଚିତ ନୁହଇ ।୬।
ଅନ୍ଧାର ଘରକୁ ଡରିବ କାହିଁକି
କିଛି ଚିନ୍ତା ନ କରିବ ।
ଅନ୍ଧାରେ ନ ରହି ମନେ ରଖିଥାଅ
ନିଶ୍ଚେ ଆଲୁଅ ଜାଳିବ ।୭।
ଅନ୍ଧାର ଘରଟି ଭଲ ଲାଗେ ନାହିଁ
ସୁନ୍ଦର କେବେ ନ ଲାଗେ ।
ଆଲୋକିତ କର ଅନ୍ଧାର ଘରକୁ
ତରତର ହୋଇ ବେଗେ ।୮।
ଅନ୍ଧାର ଘରଟି ଅଶୁଭ ପ୍ରତୀକ
ଶୀଘ୍ର ହଟାଅ ଅନ୍ଧାର ।
ଘରକୁ ତୁମର କେବେହେଲେ ତୁମେ
ନ ରଖିବ ଅନ୍ଧକାର ।୯।
ଆଲୋକ ଜଳିଲେ ଅନ୍ଧାର ହଟିବ
ସରବ ଶୁଭ ହୋଇବ ।
ଅନ୍ଧାର ଘରର ଭୟ ଦୂର ହେବ
ଆଉ ଅନ୍ଧାର ନ ଥିବ ।୧୦।