ଅଜାତଶତ୍ରୁ
ଅଜାତଶତ୍ରୁ
ଧୂମେ ଆଚ୍ଛାଦିତ ଅଗ୍ନି ପିଣ୍ଡ ଯେହ୍ନେ
ମଇଳା ଢାଙ୍କେ ଆଇନା
ଜରାୟୁ ଢ଼ାଙ୍କଇ ଗର୍ଭର ସନ୍ତାନ
ଜ୍ଞାନକୁ ଢାଙ୍କେ କାମନା
ମହାବାହୁ ହେ ଜୀବନ ଜଞ୍ଜାଳ ସିନା
ପଚିଶ ପ୍ରକୃତି ପାଞ୍ଚ ମନେ ବନ୍ଧା
ସଦା କରେ ବାଟ ବଣା ।0।
କାମନା ବନ୍ଧନ ବାସନା ଇନ୍ଧନ
ଅଜାତ ଶତ୍ରୁ ଶରୀରେ
ସାକ୍ଷୀ ରୂପେ ପ୍ରଭୁ ଦେଖୁଥାଅ ସବୁ
ରହି ସବୁରି ଅନ୍ତରେ
ମାଟି ଘଟେ ଆତ୍ମା ତୁମେ ପରମାତ୍ମା
ଥାଇ କର ଯେ କଳନା
ମହାବାହୁ ହେ ପାପ ପୁଣ୍ୟର ତୁଳନା
କରି ତା ବିଚାର ଦିଅ ସୁବିଚାର
ସ୍ୱର୍ଗ କି ଯମ ଯନ୍ତ୍ରଣା ।୧।
ପଞ୍ଚ ଇନ୍ଦ୍ରିୟର ପଞ୍ଚ ବାଣେ ପ୍ରାଣ
ଲଭୁଛି ନାନା ବେଦନା
ଦେହର କାମନା ମନର ଭାବନା
ଅନିତ୍ୟ ସୁଖ ବାସନା
ସତ୍ କର୍ମୁ ବିଚ୍ୟୁତ କରେ ସଦା ଏ ତ
ଜୀବନେ ଭରେ ଯାତନା
ମହାବାହୁ ହେ ସତ୍ତା ତ ଖୋଜି ପାଏନା
ଏ ଶରୀରେ ଶତ୍ରୁ ପ୍ରାୟେ ଢାଙ୍କି ଥାଏ
ପଞ୍ଚ ଇନ୍ଦ୍ରିୟ ବାସନା ।୨।