ମହା ଶିବରାତ୍ରୀ
ମହା ଶିବରାତ୍ରୀ
ମହା ଶିବରାତ୍ରୀ ମୋର କାଳ ରାତ୍ରି
ହେଉ ହେ କୈଳାସ ବାସୀ
ତୁମରି ଅଗଣା ମୋ ପାଇଁକି ସିନା
ଅଟେ କାଶୀ ବାରଣାସୀ ।
ଆହେ ଭୋଳନାଥ ଏକି ବିପରୀତ
ମରୁଛି ଜୀବନ ଥାଇ
ତୁମ ଦୟବଳେ ଏ ଅଧମ ଚଳେ
ତୁମରି ଆଶିଷ ପାଇଁ
ଢାଳି ଦିଅ ବାରେ ଆଶିଷରୁ ଧାରେ
ଭିକାରିଟେ ହୋଇ ବସିଅଛି ଦ୍ୱାରେ
ଘେନି ବନି ମୋତେ ଦୋଷୀ ।
ଅଶ୍ରୁ ନୟନରେ ଦୀପଟିଏ ଜାଳେ
ନ ପାହୁ ଜାଗର ରାତି
ଝରୁଥିବ ଲୁହ ଉଠୁଥିବ କୋହ
ତୋ ପାଦେ ଢାଳି ପ୍ରଣତି
ଆହେ ଆଶୁତୋଷ ବାରେ ହୁଅ ତୋଷ
ଏ ଜୀବନ ପଥ ହୋଇଯାଉ ଶେଷ
ତୁମ ନାମ ଘୋଷି ଘୋଷି ।