ଜୟ ବିଶ୍ଵକର୍ମା ଦେବ
ଜୟ ବିଶ୍ଵକର୍ମା ଦେବ
ଆହେ ବିଶ୍ଵକର୍ମା ତୁମେ
କୋଟି ନମସ୍କାର
କାତରେ ଡାକୁଛି ଆଜି
ଥରେ କୃପା କର ।
ନିମିଷକେ ସୃଷ୍ଟି କଲ
ଇନ୍ଦ୍ରଙ୍କ ଭୁବନ
ରଙ୍ଗ ମହଲ ସଙ୍ଗତେ
ନନ୍ଦନ କାନନ ।
ଲକ୍ଷ୍ମୀ ଦେବୀ ଯେବେ କ୍ରୋଧେ
ତ୍ୟାଗୀଲେ ମନ୍ଦିର
ତୁମେ ଗଢି ଦେଲ ଦିବ୍ୟ
ମହଲ ସୁନ୍ଦର ।
ବଢେଇ ବେଶକୁ ଧରି
ଶ୍ରୀମନ୍ଦିରେ ଗୁପ୍ତେ
ଗଢି ଦେଲ ଅଦୃଶ୍ୟରେ
ପ୍ରଭୁ ଜଗନ୍ନଥେ ।
ଅନେକ କଳ୍ପନା ଦେଇ
ସରଜନା କର
ମନୁଷ୍ୟ ହୃଦୟ କଥା
ବିଚାର ନକର ।
ସକଳ ମାନସେ ରହି
ସତ୍ୟ ନ୍ୟାୟ ଦିଅ
ନିଷ୍କପଟ ଚିତ୍ତ ଗଢ
ପୋଛି ଲୋଭ ମୋହ ।
ଧରଣୀରୁ ବିଷ ବୃକ୍ଷ
ମୂଳୋତ୍ପାଟନ କରି
ରକ୍ଷା କର ଆହେ ଦେବ
ଛିଞ୍ଚି ସୁଧା ବାରି ।
ଦେବ ଗଣ ମନ ଚାହେଁ
ସୃଷ୍ଟି କଲ ଘର
ମର୍ତ୍ତ୍ୟଲୋକ ପାଇଁ ତୁମ
ପାତରଅନ୍ତର ।
ଶୁନ୍ୟ ବିହାୟସ ତଳେ
ଅତି ଅସହାୟ
ଦୁଃଖ ଦେଖି କ୍ଲେଶ ନାଶ
ନହୋଇ ନିର୍ଦ୍ଦୟ ।