Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Gunanidhi Samal

Romance

3  

Gunanidhi Samal

Romance

ପ୍ରିୟତମାର ଗାଁ"

ପ୍ରିୟତମାର ଗାଁ"

1 min
212


ତୁମ ଗାଆଁ ମେଘ ଯେବେ ମଥା ପିଟେ

ଆମ ଗାଆଁ ପାହାଡ଼ ଛାତିିରେ

ତୁମ କଥା ମନେପଡେ ପ୍ରିୟତମା

ଏକାନ୍ତରେ ବିଜନ ବେଳାରେ ।


ତୁମ ଗାଆଁ ଜହ୍ନ ଯେବେ ଲୁଚିଯାଏ

ଅଭିମାନେ ବଉଦ ଫାଙ୍କରେ

ମନ ମୋର ହଜିଯାଏ ତୁମଗାଆଁ

ନଈପଠା ଗାଧୁଆ ତୁଠରେ ।


ତୁମ ଗାଆଁ କୁଆ ଯେବେ ଉଡିଯାଏ

ଆମ ଗାଆଁ ତାଳବଣ ଦେଇ

ଚାଉଳ ମୁଠାଏ ଥୋଇ ଆମଗାଆଁ

ଭୁଆସୁଣି ରହିଛି ଅନେଇ ।


ତୁମ ଗାଁ' ଯୁବତୀ ଯେବେ ଦୂରେଯାଏ

ଆମ ଗାଆଁ ନଈଘାଟ ଡେଇଁ

ଆମ ଗାଁ" ନାଉରୀ କହେ ପରଦେଶୀ

ଆଜି ପୁୁଣି ଫେରିବୁ କି' ନାହିଁ ।


ତୁମ ଗାଆଁ ଝିଅ ଯେବେ ବୋହୁ ସାଜି

ଏଇପଥେ ମୋ' ଗାଆଁକୁ ଆସେ

ଆମ ଗାଆଁ ଗୋହିରୀରେ କାଶତଣ୍ଡୀ

ମନ ଖୋଲି ଖିଲିଖିଲି ହସେ ।


Rate this content
Log in