ପ୍ରିୟା ସହ ଭେଟ

ଦୀର୍ଘ ଦିନ ପରେ ମୋ ପ୍ରିୟା ସହିତ

  ଭେଟିଗଲି ଯେବେ ମୁହିଁ ।

ଗହଳି ଭିତରେ ହୃଦସ୍ପନ୍ଦନ ମୋର

   ବଢିଗଲା ଆପେ କାହିଁ ।।

ଦେଖୁ ଦେଖୁ ମୁହିଁ ପ୍ରିୟାକୁ ଡାକିଲି

  ନାମ ଧରି ପୁଣି ତା'ର ।

ପଛକୁ ଅନାଇ ଚାହିଁ ହସିଦେଲା

   ଡାକ ଶୁଣି ପ୍ରିୟା ମୋର ।।

ପ୍ରିୟାର ଓଠରେ ହସ ଦେଖି କରି

   ହସିଦେଲି ପୁଣି ମୁହିଁ ।

ପ୍ରିୟାର ମୁହଁକୁ ଚାହିଁ ରହିଥିଲି

   ଚାତକ ଭଳିଆ କାହିଁ ।।

ଏହା ପରେ ପ୍ରିୟା ପାଖକୁ ଆସିଲା

  କହିଗଲା କଥା ତା'ର ।

ତା'ର ସବୁ କଥା ଶୁଣିକରି ମନ

   ଆନନ୍ଦ ହୋଇଲା ମୋର ।।

ବାହାଘର ପାଇଁ ପ୍ରସ୍ତାବ ଆସିଛି

  କହିଗଲା ସିଏ ପୁଣି ।

ମୁଣ୍ଡଟା ମୋହରି ଘୁରେଇ ଗଲା ଯେ

   ତାହାରି କଥାକୁ ଶୁଣି ।।

ସବୁ କହିସାରି ପଚାରୁଛି ସିଏ

   କିଛି କୁହ ତୁମ କଥା ।

କହିଦେଲି ମୁହିଁ କିଛି କହିବିନି

  ଘୁରାଉଛି ମୋର ମଥା ।।

କହୁଅଛି ପ୍ରିୟା ଏବେ ଭଲ ଥିଲ

  ଏବେ ଏବେ କ'ଣ ହେଲା ।

ହଁ, ମୁଁ ତ ତୁମର ନିଜର ନୁହଁଇ

   କହିବ କାହିଁକି ଭଲା ।।

ଆନନ୍ଦରେ ମନ ଭରିଗଲା ମୋର

  ଅଭିମନ ଦେଖି ତା'ର ।

ଗୋଟିଏ ସ୍ଥାନରେ ବସି କହିଗଲି

   କଥା ତକ ସବୁ ମୋର ।।