ପ୍ରିୟା ରୁ ପ୍ରିୟତମା

ଅନାମିକା ନାୟିକା ତୁମେ

ମୋ ହୃଦୟର

ବସା ବାନ୍ଧିଛ ମନ ଓ ପ୍ରାଣରେ

ଅନେକ ଆଶା ଓ ଭରଷା ନେଇ

ନୂତନ ବନ୍ଧନରେ ଆବଦ୍ଧ ହେବାକୁ ........

ନୂଆ ପରିଚୟ ଦେଲ

ମୋ ଅଜାଣତରେ

ଚାରି ଆଡ଼କୁ ମହକାଇ

ଫୁଲ ଫୁଟାଇ ଫଗୁଣର ମଳୟରେ

ଶିହରଣ ଖେଳାଇଛ ମୋ ଭାବନାରେ..... .

ଅଡୁଆ ସୁତାରେ ଖିଅ ଖୋଜୁଖୋଜୁ

ଆଖି ଖୋଲିଲା ବେଳକୁ

ତୁମର ପ୍ରତିଛବି

ଠିକ୍ ମୋନାଲିସା ଭଳି

ଉଦ୍-ଭାସିତ ହେଉଛି ମୋ ମାନସପଟରେ ......

ସ୍ବର୍ଗର ପାରିଜାତ ଆଣିବାକୁ

କୁଣ୍ଠାବୋଧ କରିବିନି କେବେ

ହାତ ପାହାନ୍ତାରେ ସବୁକିଛି

ସହଜ ମୋ ପାଇଁ

ତୁମେ ଥିଲେ ମୋ ପାଶେ ........

ସଂସାରର ସମୟ ଚକ୍ରରେ

ସମସ୍ତେ କରାୟତ,

ପ୍ରିୟାରୁ ପାଲଟିଗଲ ପ୍ରିୟତମା

ଶୋଭା ପାଇଲା ସିନ୍ଦୂର

ତୁମ ମଥାରେ ମୋ ନାମରେ .......