ପ୍ରେମରେ ପ୍ରେମରେ

ଦୂର ରାଇଜରେ ରହିଲି

         ମୁହିଁ ତୁମକୁ ଛାଡ଼ି ,

ତୁମ କଥା ମନେ ପଡ଼ିଲେ 

         ମଥା ଯାଏ ବିଗିଡ଼ି ।

ଦୁର୍ଭାବନା ସବୁ ମନରେ

         ଆସି କଲେଣି ଘର ,

ଈଶ୍ବରଙ୍କୁ ନିତି ଡାକୁଛି 

         ଏଥୁ ଉଦ୍ଧାର କର ।

ତୁମରି ସହିତ ମିଳନେ

         ଯେଉଁ ଆନନ୍ଦ ଲଭେ ,

ପାଇବି କି ନାହିଁ ଜୀବନେ

        ଆଉ ମନେ ମୁଁ ଭାବେ ।

ତୁମ ଗଣ୍ଡଦେଶେ ଚୁମ୍ବନ

         ଦିଏ ମୁଁ ଯେତେବେଳେ ,

ଲାଜ ଲାଜ ହୋଇ ମଥାକୁ

        ଘୂରାଇ ନିଅ ବଳେ ।

ଲୋକ ଭୟେ ତୁମେ ଯିବାକୁ

         ଯେବେ ହୋଇଛ ଟାଣି ,

ବଳତ୍କାରେ ଚୁମା ଦେଇଛି

         ତୁମ କଥା ନ ମାନି ।

ହେଲେବି ତ ମନେ ବିରଷ 

         ମନେ ନ ହୁଅ ତିଳେ ,

ଜାଣ କିବା ହୁଏ ଏଭଳି

         ମୁହିଁ ପ୍ରେମର ବଳେ ।

ପଢ଼ି ମୁଁ ଜାଣିଛି ମିଳନ

         ବିଚ୍ଛେଦର କାହାଣୀ ,

ଅନୁଭବୀ ହେଲେ ସେ କଥା

         ଭଲ ଭାବରେ ଜାଣି ।

କେବେ ଅବା ପୁନର୍ମିଳନ

         ହେବ ଆମର ଯାଇ ,

ସେତେଦିନ ମୁହିଁ କିପରି

         ଭାବେ ରହିବି ସହି ।

ମୋ ପାଖକୁ ଫେରିବା ଯାଏଁ

         ରଖି ଥିବିଟି ମନେ ,

ନୂତନ ଜୀବନ ପାଇବି

         ତୁମରି ଆଗମନେ ।