ଶ୍ରୀକ୍ଷେତ୍ରେ ଶ୍ରୀଜଗନ୍ନାଥ

ଚାଲ ସଖି ଆମେ ନୀଳାଚଳ ଯାଇ

      ଦେଖିବା ଘୋଷ ଯାତରା ,

       ଦେଖିବା ଘୋଷ ଯାତରା ।

ରଥେ ବିଜେ ହେବେ 

          ପ୍ରଭୁ ଚକାଡୋଳା..୨

ଭକ୍ତଙ୍କ ଗଳାର ହାରା

           ନନ୍ଦିଘୋଷେ ବସିବେ

ଗୁଣ୍ଡିଚା ମନ୍ଦିର ବୁଲି ଯିବେ ,

        ନନ୍ଦିଘୋଷେ ବସିବେ ।୧

ବଡ଼ ଭାଇ ବଳଭଦ୍ର ବିଜେହେବେ

         ତାଳଧ୍ବଜ ରଥେ ଯାଇ,

         ତାଳଧ୍ବଜ ରଥେ ଯାଇ ।

ଆଗେ ଆଗେ ଚାଲୁଥିବେ 

           ବଡ଼ ଦାଣ୍ଡେ ..୨

ପଛେ ଥିବେ ସାନ ଭାଇ ,

        ଭଗ୍ନୀ ମଝିରେ ଥିବେ 

ଦେବ ଦଳନରେ ବିଜେ ହେବେ  

       ଭଗ୍ନୀ ମଝିରେ ଥିବେ ।୨

କାହାଳୀ ଘଣ୍ଟ ଓ ଶଙ୍ଖ ବାଜୁଥିବ

         ପଡୁଥିବ ହୁଳହୁଳି ,

         ପଡୁଥିବ ହୁଳହୁଳି ।

ରଥ ଦଉଡ଼ିକୁ ଧରି 

          ଟାଣୁଥିବେ ...୨

ଭକତ ସଭିଏଁ ମିଳି 

        ତିନି ଠାକୁର ଦେଖି 

ଆନନ୍ଦେ ପବିତ୍ର ହେବ ଆଖି 

        ତିନି ଠାକୁର ଦେଖି ।୩

ବରଷକେ ଥରେ ଶ୍ରୀନୀଳାଚଳରେ

        ହୁଏ ଗୁଣ୍ଡିଚା ବାହୁଡା଼ , 

         ହୁଏ ଗୁଣ୍ଡିଚା ବାହୁଡା଼ ।

ମୁକତି ପାଇବା ପାଇଁ

          ଯଦି ଚାହଁ ..୨

କେବଳ ଭକତି ଲୋଡ଼ା 

        ସେତ ଭକତ ପ୍ରାଣ ,

ଚାଲ ଚାଲ ପଶିବା ଶରଣ 

        ସେତ ଭକତ ପ୍ରାଣ ।୪