ଗ୍ରୀଷ୍ମାଗମନ

ବହୁ ଘାତ ପ୍ରତିଘାତକୁ ଅତିକ୍ରମ କରି

ମନୁଷ୍ୟ ସମାଜ ଆଗେଇ ଚାଲିଛି ।

ସୁଖବେଳେ ହୋଇଛି ଆନନ୍ଦବିଭୋର

ଆଉ ଦୁଃଖବେଳେହୋଇଛି

ମ୍ରିୟମାଣ।

ଆହତ ସୈନିକ ପରି

ପ୍ରାଣପଣେ ପ୍ରକୃତି ସହ

ଲଢ଼େଇ କରି ,

ସମାଧାନ କରିଛି ଅନେକ ସମସ୍ୟା ।

ଆଶୁଲାଭ ପ୍ରାପ୍ତି ନିମିତ୍ତ

ବିଚାର ହୀନ ହୋଇ,

ବହୁ ସବୁଜ ଜଙ୍ଗଲକୁ

କରିଛି ନିର୍ମୁଳ।

ନିଜର ସୁଖ ସ୍ବାଚ୍ଛନ୍ଦ୍ୟ ପାଇଁ

ବିଳାସ ସାମଗ୍ରୀ ଗଢ଼ିବା ସକାଶେ ,

ବହୁ କଳ କାରଖାନା କରିଛି ପ୍ରତିଷ୍ଠା ।

ଭୁଲି ଯାଇଛି ସ୍ରଷ୍ଟା ଆଉ ସୃଷ୍ଟିର

ଅମାପ ଶକ୍ତିକୁ ।

ମନେହୁଏ ସତେ ଯେପରି

ପ୍ରକୃତି ମନୁଷ୍ୟ ଉପରେ

ବିଗିଡ଼ି ଯାଇଛି ।

ପଞ୍ଚ ମହାଭୂତକୁ ସଙ୍ଗରେ ନେଇ

ଆକ୍ରମଣ କରିଛି

ମନୁଷ୍ୟ ସମାଜ ଉପରେ ।

ଆପ୍ ଆଉ ମରୁତର

ପ୍ରକୋପ ଫଳରେ ,

ବହୁ ଧନଜୀବନ ହୋଇଛି ବିନଷ୍ଟ।

ବହୁ ବୃକ୍ଷରାଜି ହୋଇ ଯାଇଛି ଧ୍ବ°ସ ।

ଏବେ ଆସିଛି ତେଜର ସମୟ ।

ସ୍ବୟ° ଅ°ଶୁମାଳି ତେଜ ଆଘାତରେ ,

ମରୁଛନ୍ତି ବହୁ ନରନାରୀ ।

ସବୁ ଦମ୍ଭ ଲୋଭ ମୋହ

ପ୍ରତ୍ୟାଖ୍ୟାନ କରି ,

ନିରୁପାୟ ନର ଯାଏ

ଶମନପୁରୀକୁ ।

ଅ°ଶୁଘାତେ ଏହିପରି

କେତେ ଯେ ଜୀବନ

ନଷ୍ଟ ହେବ କିଏ କହିପାରେ ?

ଅସହାୟ ଜନତା ଭାବୁଛନ୍ତି ଏବେ

ବିଧିର ବିଧାନକୁ କିଏ ଏଡିପାରେ ?