ଦଶ ଦିଗପାଳ

ସୃଷ୍ଟି ଆରମ୍ଭିଲ ହେ ସୃଷ୍ଟି କରତା

ସର୍ବ ବ୍ୟବସ୍ଥା କରିଲ

ଦଶ ଦିଗେ ଦଶ ଦିଗପାଳ ରହି

ସୃଷ୍ଟି ବ୍ୟବସ୍ଥିତ କଲ |

ଦଶଦିଗେ ରହି ଦଶ ଦିଗପାଳ ପାଳ

କରନ୍ତି ଧର୍ମ ପାଳନ

ପୁରୁବ, ପଶ୍ଚିମ, ଉତ୍ତର,ଦକ୍ଷିଣ

ଚ଼ାରିଦିଗ ପୁଣି ଜାଣ ।

ଚାରିଦିଗ ମଧ୍ୟେ ଚ଼ାରି କୋଣ ସ୍ଥିତ

ଐସାନ୍ୟ,ନୈଋତ,ଅଗ୍ନି

ବାୟବ୍ୟ ର ସଙ୍ଗେ ଉର୍ଦ୍ଧ୍ଵ ଆଉ ଅର୍ଦ୍ଧ 

ଦଶଦିଗର ସଂଲଗ୍ନୀ ।

ପୂର୍ବ ଦିଗପାଳ ଇନ୍ଦ୍ରଦେବ ପରା

ଦୁର୍ବିପାକ ନିୟନ୍ତ୍ରକ

ପଶ୍ଚିମେ ବରୁଣ ଜଳଦାତା ପରା

ସୃଷ୍ଟି ଜୀବନ କାରକ ।

ଉତ୍ତରେ କୁବେର ବୈଭବ ଦାତା ସେ

ଜୀବନ ନିର୍ବାହୀ କାର୍ଯ୍ୟ

ଦକ୍ଷିଣ ରେ ଯମ କର୍ମଫଳ ଦ୍ୟନ୍ତି

ଧନ୍ୟ ତାଙ୍କ ଶୌର୍ଯ୍ୟ ବୀର୍ଯ୍ୟ ।

ଐଶାନ୍ୟ ଦିଗରେ ଐଶାନ୍ୟ ଦେବତା

ଦେବ ଦେବ ମହାଦେବ

ସୁଖ, ଶାନ୍ତି ନିୟନ୍ତ୍ରଣ କରିଥାନ୍ତି

ସେ ପରା ମହାନୁଭବ |

ନୈଋତେ ନୈଋତ ସ୍ବଧର୍ମ ପାଳନେ

ସଦା ବ୍ରତୀ ହୋଇଥାନ୍ତି

ବାୟବ୍ୟ କୋଣରେ ବାୟୁ ଦେବ ସ୍ଥିତ

ସ୍ୱଧର୍ମେ କାର୍ଯ୍ୟ କରନ୍ତି ।

ଅର୍ଦ୍ଧେ ବିଷ୍ଣୁ ଦେବ ପାଳନ କରତା

ସୃଷ୍ଟିର ପାଳନ କରନ୍ତି

ଉର୍ଦ୍ଧ୍ବ ଅନ୍ତରୀକ୍ଷେ ବ୍ରହ୍ମଦେବ ସ୍ଥିତ

ଓଁ କାର ନାଦ ଭରନ୍ତି ।

ସର୍ବ ଚ଼ରାଚ଼ରେ ପ୍ରଭୁଙ୍କର ସ୍ଥିତି

ଆତ ଯାତ ଚନ୍ଦ୍ର ସୂର୍ଯ୍ୟ

ଦଶ ଦିଗପାଳ ଆରାଧ୍ୟ ଆମର

ବିଶ୍ୱାସ ର ମହା ଶୌର୍ଯ୍ୟ ।

ଦଶ ଦିଗପାଳ ଦଶଦିଗେ ରହି

ଦିଅନ୍ତି କର୍ମ ବାରତା

ଦଶ ଦିଗପାଳ ସାକ୍ଷୀ କଥା କୁହେ

ଆମରି ଶାସ୍ତ୍ର ସଂହିତା ।।