ପ୍ରେମୋଦୟ ଚମ୍ପୂ (ର)

ପ୍ରେମୋଦୟ ଚମ୍ପୂ

କବି ସୂର୍ଯ୍ୟ ବଳଦେବ ରଥ

(ଚୌପଦୀ ପ୍ରେମୋଦୟ )

(27)

ଶ୍ରୀକୃଷ୍ଣଙ୍କ ପ୍ରତି ସଖୀ

ରାଗ – ସ୍ମରଠ - ଝୁଲା

ରାଜି ନକଲା ଆଜି ରମଣୀ ବର

ଏଣିକି ତୁମ୍ଭେ ତୁମ୍ଭ ଉପାୟ କର (ଘୋଷା)

ରୋଷ ତା ମନୁ ଯେବେ ପାରିବ ହରି

ଗମନ କର ଯହିଁ ଅଛି କିଶୋରୀ (1)

ରାଧାର ମନେ ଅଛି ଦୁର୍ଜୟ ମାନ

ପାରିଲେ ନାଶ, କହି ଚାଟୁ ବଚନ (2)

ରସିକା ଆମ୍ଭ ବାଣୀ ସତ ନ ଘେନେ

ଲଭିଛି ଯେଉଁ ତାପ ରଖିଛି ମନେ (3)

ରାମା ତୁମ୍ଭର ପୂର୍ଣ୍ଣଚନ୍ଦ୍ର ବଦନ

ଦେଖିଲେ ଅବା ମନୁ ତେଜିବ ମାନ (4)

ରାଣକୁ ମୋର ହେଲେ ପ୍ରାଣ ସଙ୍ଗାତ

ଭଣଇ  ଜଗ ଦ୍ଦେବ ନ କଲା ସତ (5)