ପ୍ରେମୋଦୟ ଚମ୍ପୂ (ଫ)

ସଖୀପ୍ରତି ଶ୍ରୀକୃଷ୍ଣ

ରାଗ – ନଟ - ଏକତାଳି

ଫୁଲଶରେ ନ ଯା, ମୋତେ ସୁକୁମାରୀ ମାରି ରେ (ଘୋଷା)

ଫେଡି କହୁଛି ମୁଁ ସତେ, ଘେନ ମୋ ବିନୟ ଚିତ୍ତେ

ବଚନେ ନ ପାରି ତୋତେ, ରହିଲି ମୁଁ ହାରି ରେ (1)

ଫିଟାଇ ସଜନୀ ମାନ - ଗ୍ରନ୍ଥିକି ରାମା ରତନ

ମୋତେ ଏ ବିପଦୁଁ ବେଗେ ନିଅ ତୁ ଉଦ୍ଧରି ରେ (2)

ଫନ୍ଦା କରିଛି ମୁଁ ତୋତେ, ନାହିଁ ତୋ ବିନା ଜଗତେ

ମୋତେ କାମ ପାରାବାରୁ, କରିବାକୁ ପାରିରେ (3)

ଫୁଟାଇ ନଦେଇ ତମ, -ବାଣୀରେ ମୋର ମରମ

ଦେଖାଅ ସଖୀକି ବାରେ ଉପାୟ ବିଚାରି ରେ (4)

ଫରମାସ ଆଜି ବେଶେ, ଶ୍ରୀହରିଚନ୍ଦନ ଭାଷେ

ଶରଣ କେ ଅଛି ମୋର ବିନା ମୋ ତୋହରି ରେ (5)