ପ୍ରେମ

ପ୍ରେମ ଅଟେ ପୂଜା ପ୍ରେମ ହିଁ ଶାଶ୍ୱତ

ପ୍ରେମ ନୈସ୍ୱର୍ଗିକ ଧାରା 

ପ୍ରକୃତ ପ୍ରେମର ନଥାଏ ବିଲୁପ୍ତି

ଜନ୍ମଜନ୍ମାନ୍ତର ପରା l

ପ୍ରେମ ଏକ ସ୍ରୋତ ତରଙ୍ଗିନୀ ଧାର

ସଦା ସେ ପ୍ରବହ ମାନ 

ବାଧା କିଛି ତାକୁ ରୋକି ପାରେନାହିଁ

ଉଛୁଳା ଆବେଗ ପ୍ରାଣ l

ପ୍ରେମୀର ହୃଦୟ ବିଶାଳ ଉଦାର

ପ୍ରେମ ତା ପାଇଁ ତପସ୍ୟା 

ଜୀବନକୁ ସିଏ ବାଜିରେ ଲଗାଏ

ଆସୁବି ଯେତେ ସମସ୍ୟା l

ହେଉ ଯେତେ ନିନ୍ଦା ଅବା ଅପବାଦ

ପ୍ରେମୀର ଖାତର ନାହିଁ 

ଉଚ୍ଚ ନୀଚ ଭାବ ତା ପାଖେ ନଥାଏ

ସମାଜ ରୀତିକୁ ଚାହିଁ l

ବିରହ ମିଳନ ଉଭୟ ସ୍ଥିତିରେ

ଏକନିଷ୍ଠ ତାଙ୍କ ପ୍ରାଣ 

ଜଣକ ପାଇଁକି ଆଉ ଜଣେ କାନ୍ଦେ

ଉତ୍ସର୍ଗୀକୃତ ଜୀବନ l

ଦୂରତା ପ୍ରେମକୁ ଦୂରେଇ ପାରେନା

ଯେହ୍ନେ ପଦ୍ମ ଦିବାକର 

ନିଶିଥରେ କଇଁ ରହିଥାଏ ଚାହିଁ

ଚନ୍ଦ୍ରଙ୍କ ଜୋଛନା ଧାର l

ପ୍ରେମଟି କେବେ ମରି ପାରେ ନାହିଁ

ଯେଉଁ ରୂପେ ଅବା ହେଉ 

ଥାଏ ଯଦି ତହିଁ ନିଷ୍ଠାପର ଭାବ

ଦିଶୁ ଥାଏ ଦାଉ ଦାଉ l

ରାଧା କୃଷ୍ଣ ପ୍ରେମ ଅଟେ ଚିରନ୍ତନ

ଦୁହେଁ ଦୁହିଁଙ୍କର ଅଧା 

ଏକ ଆତ୍ମା ଦୁହେଁ ଦୁଇଟି ଦେହରେ

ଗୋଟିଏ ସ୍ୱରରେ ଛନ୍ଦା l

ପ୍ରେମ ଖୋଜେ ନାହିଁ ପ୍ରତିଦାନ କିଛି

ସମର୍ପଣ ତାର ଭାବ 

ନାହିଁ ସ୍ୱାର୍ଥ ଚିନ୍ତା ନାହିଁ ଭୋଗ ଲିପ୍ସା

ପ୍ରକୃତ ପ୍ରେମ ସ୍ଵଭାଵ l

ଅଷ୍ଟପାଟବଂଶୀ ଥାଉ ଥାଉ ପରା

ଶ୍ରେଷ୍ଠ ହେଲା ରାଧା ପ୍ରେମ 

ରାଧା କୃଷ୍ଣଙ୍କର ଯୁଗଳ ମୂରତି

ପୂଜା କରେ ଧରା ଧାମ l