ପ୍ରେମ

ଭଲ ପାଇବାର ଭିତ୍ତିଭୂମି ହେଲା-ତ୍ୟାଗ କରିବାର ବଳ,

ଭଲ ପାଇବାର ଚାରିସ୍ତମ୍ଭ ମଧ୍ୟେ ବିଶ୍ୱାସ ହେଉଛି ମୂଳ ।

ଭଲ ପାଇବାର ଦ୍ଵିତୀୟ ସ୍ତମ୍ଭଟି ଥିବ ନିଷ୍କପଟ ଭାବ,

ଭଲ ପାଇବାର ତୃତୀୟ ସ୍ତମ୍ଭଟି ଆତ୍ମ-ବିଶ୍ୱାସ ହୋଇବ ।

ଭଲ ପାଇବାର ଚତୁର୍ଥ ସ୍ତମ୍ଭଟି ପାଇବାର କିଛି ନାହିଁ,

ଯେତିକି ପାରିବି ଦେଉଥିବି ସିନା କିଛି ନେବିନାହିଁ ମୁହିଁ ।

ଦୁଃଖ ବିପଦରେ ଠିଆ ହେଉଥିବି ନରଖି ମନରେ ଭୟ,

ଆତ୍ମ-ବିଶ୍ଵାସକୁ ବଢ଼ାଇ ଅନ୍ୟର ହୃଦୟ କରିବି ଜୟ ।

ସବୁ ସତକଥା ଖୋଲି କହୁଥିବି ନଥିବ ମନରେ ଡର,

କିଛି ତୃଟିଥିଲେ ସଂଶୋଧନ କରିନେବି ମନକରି ସ୍ଥିର ।

କ୍ରୋଧ-ରାଗବଶେ ସାମାନ୍ୟ କଥାରେ କହିବାନି କଟୁକଥା,

ସେହି କଟୁକଥା ସବୁଦିନ ପାଇଁ ଦେଉଥିବ ଖାଲି ବ୍ୟଥା ।

କପଟପଣରେ ପାଇବା ଲୋଭରେ କଲେ ପ୍ରେମ ଅଭିନୟ,

ପ୍ରେମିକ ପ୍ରେମିକା ମିଥ୍ୟାଚାରୀ ଦୁହେଁ ନିଆଁକୁ ଡେଇଁବା ଥୟ ।