ଆଉ କେତେ କାଳ ଅପେକ୍ଷା କରିଵି

ଆଉ କେତେ କାଳ ଅପେକ୍ଷା କରିଵି

କେଵେ ତୋ ଲାଗିଵ ଡୋରି

ତୋରଶ୍ରୀକ୍ଷେତ୍ରକୁ ଯାଇ ମୁଁ ପାରିଵି

ମନଟା ଆକୁଳ ଭାରି ।

ତୋ ଚକାଆଖିରେ ମୋ ଆଖି ମିଶାଇ

ମୋ ମନ କଥା କହିଵି

ତୋ ଚନ୍ଦ୍ର ଵଦନ ଦର୍ଶନ କରିଵି

ନାଚିଵି ମୁଁ ଥେଇ ଥେଇ ।

ତୋ ଵଡ଼ସି'ହାର ଵେଶକୁ ଦେଖିଵି

ହେବ ହୃଦ ପୁଲକିତ

ତୋହର ଭଜନ ଉଚ୍ଚ ସ୍ବରେ ଗାଇ

ଚିତ୍ତ ହେବ ଉଲ୍ଲସିତ ।

ନେରେ ତୁ ଜଗା ଲଗାଇ ତୋ ପଘା

କରନାହିଁ ଆଉ ଡେରି

କାହିଁ କେତେ ଵେଳେ ପିଣ୍ଡୁ ଯିଵ ପ୍ରାଣ

ବାଞ୍ଛା ପୂର୍ଣ୍ଣ କର ମୋରି ।