Exclusive FREE session on RIG VEDA for you, Register now!
Exclusive FREE session on RIG VEDA for you, Register now!

Sadananda Sahoo

Classics


3.3  

Sadananda Sahoo

Classics


ରଥ ପଥ ମିତ ଆହେ ଜଗନ୍ନାଥ

ରଥ ପଥ ମିତ ଆହେ ଜଗନ୍ନାଥ

1 min 45 1 min 45


ଆହେ ଲୀଳାମୟ ଭାବର ଠାକୁର 

     ଜଗତ ଈଶ୍ଵର ପତି , 

ରତ୍ନ ସିଂହାସନେ ବସିଛ ମଉନେ 

     ନୀରବତା ଅଛି ଭରି ॥ 

ସୁକଲ୍ୟାଣ ମିତ ତୁମ ରଥଯାତ 

    କାହିଁ ପାଇଁ ଏତେ ଦ୍ୱନ୍ଦ , 

ବିନା ଭକତରେ କେମିତି ଯିବ'ହେ 

    ଗଡିତୁମ ନନ୍ଦିଘୋଷ ॥ 

ବିଶ୍ୱ ଅଧିପତି ତୁମ ପାଇଁ ଆଜି 

  ନ୍ୟାୟାଳୟ ହେଲା ଲୋଡା , 

ଲାଗୁଚି ଆଶ୍ଚର୍ଯ୍ୟ ରଥପଥ ମିତ 

   କରୋନା ସାଜିଛି କଣ୍ଟା ॥ 

ଭାବ ବନ୍ଧନର ଏ'ମହା ପରବ 

   ଲାଗେ ଆଜି ଫିକା ଫିକା , 

ମାନ ଅଭିମାନ କରିଛକି ନାଥ 

   ରଥ ଗଡିଯିବ ଏକା ॥ 

କରୋନା ସଙ୍କଟ କରେ ପ୍ରତିରୋଧ 

    କେତେ ପୁଣି ସର୍ତ୍ତାବଳୀ , 

ନାୟାଧିଶ ରାୟ ବିଚିତ୍ର ସଂକଳ୍ପ 

    ଶ୍ରୀକ୍ଷେତ୍ର ପଡିବ ଖାଲି ॥ 

ଭକତ ଯିବେନି ରଥ ଛୁଇଁବେନି  

    ସେବାୟତ ନେବେ ଭିଡି , 

ଆହେ ଭାବଗ୍ରାହୀ ପାରିବକି ସହି 

     ଭକତ କରିବେ ରଡି ॥ 

ଶ୍ରୀକ୍ଷେତ୍ର ବ୍ୟତୀତ ହେବନିତ ଯାତ 

     କଟକଣା ହେଲା ଯାରି , 

ହାୟରେ କରୋନା କଲୁ ଆନମନା 

     ଭକତ ହେଉଛି ଝୁରି ॥ 

ହେ'ଆରାଧ୍ୟ ଦେବତା ପରମ୍ପରା ସତ୍ତା 

     କରୋନାକୁ ଦୂରକର , 

ସବୁ ଅନ୍ତଃରାୟ କରୋନାର ଭୟ 

     ସମୂଳେ ବିନାଶକର ॥ 

ଆର ବରଷକୁ  ରଥ ଯାତରାକୁ 

     ଉପୁଜିବ ନାହିଁ ଦ୍ୱନ୍ଦ , 

ଭକତ ପରାଣ କାଳିଆ ଠାକୁର 

    ବେଳ ଥାଉ ବନ୍ଧ ବାନ୍ଧ ॥ 

କାଳିଆ'ର ଇଚ୍ଛା ହେବନି ଅନ୍ୟଥା 

    ବଡ଼ ଦେଉଳିଆ ବନ୍ଧୁ , 

ଦୁଃଖର ସୁଖର ସେ' କଳା ଠାକୁର 

    ଢାଳିଦିଏ  ଲୁହବିନ୍ଦୁ ॥ 

ରଥେ ରଥ ଯାତ୍ରା ରଥରେ ବାହୁଡା 

     ସବୁ ତୁମ ଇଚ୍ଛା ପ୍ରଭୁ , 

ଜଗନ୍ନାଥ ମୟ ଏ' ସାରା ବ୍ରହ୍ମାଣ୍ଡ 

    ତୁମ୍ଭରି କଲ୍ୟାଣ ସବୁ ॥ 



Rate this content
Log in

More oriya poem from Sadananda Sahoo

Similar oriya poem from Classics